روسیا پرزیدنتی ولادیمیر پوتین آرتیق روسیا اهالی‌سیندن، خصوصیله ده مسکوا ساکینلریندن اوکراینایا قارشی محاربه‌نین هر کسه تأثیر ائده بیله‌جک بیر فلاکته چئوریلدیینی گیزله‌ده بیلمیر.

Axar.az خبر وئریر کی، بونو شوتلاندیالی استراتژی آراشدیرمالار اوزره پروفسور فیلیپس پایسون اوبراین بیلدیریب.

او قید ائدیب کی، دؤرد ایلدن آرتیق مدتده کرملین مسکوانی اوکراینایا قارشی اشغالین نتیجه‌لریندن تجرید ائتمه‌یه چالیشیب:

«روسیا پایتاختیندا فستیواللار و کوتلوی تدبیرلر داوام ائتدیریلیب، حاکمیت ایسه محاربه‌نین روس اورتا طبقه‌سی و الیتاسی اونون حس اولونماسینی مینیموما ائندیرمه‌یه چالیشیب.

لاکن اوکراینانین بیر سیرا هجوملاریندان سونرا وضعیت دییشمه‌یه باشلاییب. بو ایل مسکوادا کئچیریله‌ن ۹ مای پارادی بئله اوکراینانین پیلوتسوز اوچوش آپاراتلارینین ممکن ضربه‌لری قورخوسونا گؤره غیرعادی درجه‌ده قیسا اولوب و آغیر تکنیکا نمایش ائتدیریلمه‌ییب.

اوکراینانین مسکوا ولایتینه سون ضربه‌لری روسیا پایتاختینین ضعیفلیینی نمایش ائتدیریب و بیر چوخ مسکوالینی شوکا سالیب».

«پوتینین یاراتدیغی و روس الیتاسینی و اورتا طبقه‌نی ناراحات ائتمه‌مه‌لی اولان «خصوصی حربی عملیات» نارراتیوی آرتیق تمامیله داغیلیر»، – دئیه اوبراین علاوه ائدیب.