اوکراینانین لووو ویلایتینده کؤمور معدنی پارتلاییب.

آخار. آذ خبر وئریر کی، بو بارده اوکراینا شاختاچیلارینین مستقیل همکارلار اتفاقینین صدری میخایل وولینچ فیسبوک صحیفه‌سین‌ده یازیب.

«ایستپنایا شاختاسیندا قضا اولوب. متان پارتلاییب، ۱۱ نفر اؤلوب»، - صدر بیلدیریب.

اوکراینا فوق العاده حاللار ناظرلیگی ایسه ۸ نفرین اؤلدویونو تصدیقله‌ییب.

«مارتین ۲-ده ساعت ۱۲:۴۶-دا لووو ویلایتینین سوکالسکی رایونونون گلوخوو کندی اراضی‌سینده یئرلشن لوووگول شیرکتینه مخصوص ایستپنایا شاختاسیندا باش وئره‌ن پارتلاییش نتیجه‌سینده داغینتی عمله گلیب»، - ناظرلیکدن بیلدیریلیب.

معلوماتدا قید اولونوب کی، پارتلاییش اولان معدنده ۳۴ نفر ایشلییرمیش.