تورکییه‌نین پرزیدنتی رجب طایییب اردوغان اؤلکه‌نین تانینمیش کینو و تئاتر آکتیورو خالید آکچاتپه‌نین وفاتی ایله علاقدار باشساغ‌لیغی وئریب.

رئپورت-اون معلوماتینا گؤره، باش ساغلیغی متنینده دئییلیر: «جانلاندیردیغی اوبرازلار و شخصیتی ایله بوتون یاشدا اولان اینسانلارین سئوگیسینی قازانان اوستا آکتیور هر زامان سئوگی و احتیراملا یاد ائدیله‌جک. مرحوما الله‌دان رحمت، یاخینلارینا و عزیزلرینه درین حوزنله باش ساغلیغی وئریرم».

عینی زاماندا، باش ساغلیغی متنین‌ده پرزیدنتین آکتیورون اؤلوموندن درین کدر حسی کئچیردی عکس اولونوب.

قئید ائدک کی، آکچاتپه اؤت‌ن گون ۷۹ یاشین‌دا دونیاسینی دییشیب. اونون اؤلومونه سبب دامار تیخانماسی اولوب.

خاتیرلاداق کی، آکچاتپه ۱۹۳۸ -جی ایل یانوارین ۱-ده اونیده دونیایا گلیب. آکتیور "تاتلی دیلیم" فیلمی ایله تانینیب. اونا شهرت گتیرن ایسه رول آلدیغی "هابابام صینیفی" فیممی اولوب. آکچاتپه اکران اثرینده "گودوک نجمی" اوبرازینی جانلاندیریب. او، داها چوخ کمال سونال ایله بیرلیکده رول آلدیغی فیلملری ایله یادداشلاردا قالیب.