آنا صحیفه پلانت |
فرانسا خاریجی ایشلر ناظرلیگی ایرانا سفر ائتمک ایستهیهن اؤز وطنداشلارینا خبردارلیق ائدرک، «بؤلگهده گرگینلیین آرتماسی و بونون ایرانین داخیلی وضعیتینه تأثیری» ایله علاقدار ایرانا سیاحت پلانلارینی باشقا بیر واختا تاخیره سالماغا چاغیریب.
ایونون ۲۰-ده اومان دنیزی سولارینین اوزرینده آمریکایا مخصوص پوا-نین وورولماسی، ایستهنیلهن مومکون قارشیدورما اوچون بؤلگهده قوشونلارین دؤیوش حاضرلیغی وضعیتینه گتیریلمهسی و جبل الطاریقده ایرانا مخصوص تانکرین ساخلانیلماسیندان سونرا بریتانییا ایله گوج یاریشی ایرانین ثابتلیگی و تهلوکسیزلیینی تهدید ائدن تهلوکهلردیر.
آذنیوز. تی وی «رفی» آگنتلیینه ایستینادا خبر وئریر کی، فرانسا خاریجی ایشلر ناظرلیگی ایولون ۹-دا ایرانین وضعیتی ایله باغلی یایدیغی سون قیمتلندیرمهسینده رگیونداکی وضعیتین غیری-ثابیتلیینه توخونور، بؤلگهده آرتان گرگینلییه و اونون ایران اوچون مومکون نتیجهلرینی قید ائتمکله، «فرانسا وطنداشلارینی مومکون قدر ایرانا سفر، او جملهدن شخصی مقصدلر اوچون سفر ائتمیی باشقا بیر واختا تاخیره سالماغا» چاغیریب.
بؤلگهده وضعیتین غیری-ثابت اولدوغونو وورغولایان فرانسا خاریجی ایشلر ناظرلیگی بیرد آها خاطیرلادیر کی «مؤوجود وضعیتین دییشمهسی متمادی اولاراق دقیق شکیلده دقتده ساخلانیلمالیدیر».
فرانسا خاریجی ایشلر ناظرلیگی یایدیغی بیاناتدا خبردارلیق ائدیر کی «ایرانین حقوق-محافظه و تهلوکهسیزلیک اورگانلاری عمومیلیکده اینسانلارین داخیلی ایشلرینه حدیندن آرتیق قاریشیر و بونونلا باغلی، خاریجی وطنداشلارلا تماسدا اولانلار، خصوصیله آکادمیک دایرهلر خصوصی نظارت آلتیندا ساخلانیلیر».
فرانسانین خاریجی ایشلر ناظری ژان-لویس لودریان بو یاخینلاردا بیلدیریب کی «تهرانلا واشینگتن آراسیندا گرگینلیین آرتماسی مناقیشهلرین بوتون رگیونا یاییلماسی ایله باغلی بیر چوخ ناراحاتلیقلار یارادیب».
تاریخ
2019.07.12 / 14:05
|
مولف
Axar.az
|