آنا صحیفه پلانت |
جبل الطاریق پلیسی بیلدیریب کی، آوروپا بیرلییینین سانکسییالارینی پوزدوغونا گؤره ایرانا مخصوص ساخلانیلمیش نفت تانکرینین کاپیتانی و باش ظابطینی حبس ائدیب.
آذنیوز. تی وی «Euronews»آ ایستینادا خبر وئریر کی، بونونلا باغلی آراشدیرمالار هله داوام ائدیر و ایرانا مخصوص «گراج-۱» سوپر نفت تانکر هلهلیک حبس آلتیندا ساخلانیلماغا داوام ائدجک.
جبل الطاریق پلیسینین معلوماتینا گؤره، ساخلانیلمیش نفت تانکرینین کاپیتانی و باش ظابطینین حبس ائدیلمهسی گمیده آپاریلان گئنیش یوخلامالاردان سونرا باش وئریب. جبل الطاریق پلیسی خبر وئریر کی، گمینین آختاریشی زامانی بیر سیرا الکترون سندلر و قورغولار قیده گؤتورولوب.
بریتانییا دنیز قوهلری، ۴ ایول جومعه آخشامی گونو ایرانا مخصوص «گراج-۱» سوپر نفت تانکرینین سورییاداکی بیر نفت ائمایل زاوودونا نفت داشیدیغینی بیلدیرهرک، بو بؤیوک نفت تانکرینی جبل الطاریق ساحلینده ساخلاییب. بو سوپر تانکر ایراندان حرکت ائدرک بو اؤلکهنین خام نفتینی داشیییردی. ایران بو سوپرتانکرین اله کئچیریلمهسینه اعتراض علامتی اولاراق، بؤیوک بریتانییانین تهرانداکی سفیرینی ایران خاریجی ایشلر ناظیرلیینه چاغیریب.
تاریخ
2019.07.12 / 17:53
|
مولف
Axar.az
|