آذنیوز. تو «آزادلیق» رادیوسونا ایستینادا خبر وئریر کی، ایران پارلامنتینین میلت وکیلینین سؤزلرینه گؤره، صحییه ناظری سید نمکی بازار گونو بیر سیرا دپوتاتلارین دا ایشتیراک ائتدیی ایجلاس‌دا «صحییه سیستمین‌ده ۵۰ تریلیون تومن حجمین‌ده کورروپسییا فاکتی» باره‌ده معلومات وئریب؛ آنجاق صحییه ناظرلیگی بئله بیر آچیقلامانی رد ائدیب.

پارلامنتین ورامیندن اولان دئپوتاتی حسین نقوی حسینینین سؤزلرینه گؤره، سهییه ناظری بازار گونو «ویلایت‌چی میلت وکیلی فراکسییاسی»نین عضولری ایله گؤروشده بیلدیریب کی، او ۲۰۱۸-جی ایلده ناظر وظیفه‌سینه گلدیک‌ده «درمان ساحه‌سین‌ده کورروپسییا آجیناجاق‌لی شکیلده حاکم ایدی» و «صحییه سیستمین‌ده ۵۰ تریلیون تومنلیک کورروپسییا فاکتینین باش وئرمه‌سی» ایله یاناشی، «طبی آوادانلیقلارینین آلینماسینا آیریلان ۱ میلیارد دلار وسایطین هارا صرف اولوندوغونو بیلمیریک».

همین معلوماتا گؤره، صحییه ناظری همچینین «بو ساحه‌ده گوجلو کورروپسییا مافییاسی»نا توخوناراق بیلدیریب کی «صحییه ناظیرلیینه قارشی مئدیا تبلیغاتی مقصدیله ۸۰ میلیارد دلار آیریلیب».

بونونلا بئله، ایران مطبوعاتیندا بو حاق‌دا خبر یاییلدیق‌دان بیر نئچه ساعت سونرا صحییه ناظیرلیینین اجتیمایتله علاقه‌لر دپارتامنتینین رئیسی کیانوش جهانپور بیلدیریب: «صحییه سیستمین‌ده ۵۰ تریلیون تومن‌لیک کورروپسییا فاکتینین اولماسی ایله باغلی ادعا «صحییه ناظرینین چیخیشین‌دا عمومیتله یئر آلماییب» و «۵۰ تریلیون تومن درمان و طیبی تجهیزات بازارینین عمومی حجمینی تشکیل ائدیر».

بونونلا بئله، صحییه ناظری اؤز Twitter حسابین‌دا تیببی آوادانلیقلارین آلینماسی اوچون آیریلان ۱ میلیارد اوچ یوز میلیون دلار وسایتین تالعینین غیری-معین اولماسی مسئله‌سینی بیر داها تکرارلاییب.