فران‌سانین رسمی منبع‌لری رسمی پاریسین ایرانلا آمریکا آراسین‌دا واسطه‌چی رولونون بعضی آددیملارینی آچیقلاییبلار.

آخار. آذ خبر وئریر کی، فرانسانین رسمی منبع‌لری نووه سازیشینین قورونوب ساخلانیلماسی و ایرانلا آمریکا آراسین‌دا گرگینلیین آزالدیلماسی ایستیقامتین‌ده بعضی تکلیفلر ایر‌لی سوردوکلرینی بیلدیریبلر.

فرانسا رسمی منبع‌لرینین تشببوسونه اساساً آمریکا حکومتی جاری ایلین مای آیین‌دان اؤنجکی وضعیته قاییداراق، ایران‌دان نفت آلان ۸ اؤلکه‌یه گذشتلری یئنی‌دن تعمین ائتمه‌لی‌دیر. بونون قارشیلیغین‌دا ایران نووه سازیشی ایله باغلی سون آیلاردا آتدیغی آددیملاری دایان‌دیراجاق.

علاوه ائدیلیب کی مرحله‌لی شکیل‌ده حیاتا کئچیریله‌جک فرانسا تشببوسونه اساساً ایران یاخین شرق‌ده‌کی رولونو آزالتمالی، خصوصیله ده عراق‌دا حشد-شعبی کیمی آمریکا تهدید ائد‌ن قوه‌لره، یمن‌دن سعودییه عربیستانینا «هوجوم ائد‌ن» هوسیلره تضییق گؤسترملی، ائلجه ده سورییادا حزب اللاه تیمسالین‌دا حربی گوجلرینی آزالتمالیدیر.

بون‌دان ساوایی ائمانوئل ماکرون دا اؤتن گون کئچیریله‌ن مطبوعات کنفراسنین‌دا بیلدیریب کی، اونون اؤلکه‌سی ایرانلا آمریکا آراسین‌دا وضعیتین داها دا پیس اولماسینین قارشی‌سینی آلیب.

فرانسا پرزیدنتی بیلدیریب کی، او پاریسه قاییدان کیمی ایران، روسییا، آمریکا و سایر دؤولت باشچیلاری ایله دانیشیقلار آپاراجاق.