پورتوقالییا ایران وطنداشلاری اوچون ویزا وئریلمه‌سینی دایاندیریب.

آزنیوز. تی وی ببج-یه ایستینادن خبر وئریر کی، پورتوقالییانین خاریجی ایشلر ناظری اؤلکه‌نین پارلامئنت نماینده‌لرینه بونونلا باغلی آچیقلاما وئره‌رک پورتوقالییایا سفر ائتمک ایسته‌یه‌ن ایران‌لی عریضهچیلر اوچون ویزا وئریلمه‌سی پروسه‌سی‌نین موقتی دایاندیریلدیغینی تصدیقله‌ییب. سانتوس سیلوا قرارین سببینی «تهلوکه‌سیزلیک» اولدوغونو قئید ائدیب، اما قرارین تئهران- لیسسابون علاقه‌لرینه عایید اولمادیغینی وورغولاییب.

ایولون ۱۵-ده پورتوقالییا پارلامئنتینه گئدن سیلوا بونونلا باغلی دئتاللاری میللت وکیللری ایله قاپالی گؤروش‌ده آچیقلایاجاغینی بیلدیریب، لاکین «پورتوقالییایا داخیل اولانلارا پروسه‌سین آسان اولمایاجاغینی» وورغولاییب.

پورتوقالییانین خاریجی ایشلر ناظری قرارلا باغلی اطراف‌لی معلومات وئرمه‌سه‌ده، بو قرارین موقتی کاراکتئر داشیدیغینی و نؤوبتی اوچ هفته عرضین‌ده آرادان قالدیراجاغینی پروقنوزلاشدیریب.

بو ایلین یازین‌دا ایسه پورتوقالییانین تئهران‌داکی سفیرلیگی کونسوللوق شعبه‌سی طرفین‌دن ویزا وئریلیشینی دایاندیردیغینی بیلدیریب.

بو ایلین مارت آیینین ۲۶-دا پورتوقالییا ویزاسی اوچون مراجعتلره باخماق اوچون «دیپلوماتیک اوفیسلر اوچون قانونی کنار طرفداش» اولان «WFS گلوبال» شیرکتی‌نین سایتین‌دا بیلدیریلیب کی «ویزا مراجعتلری هله‌لیک دایاندیریلیب و ویزا مراجعتی پروسئ‌دورونون یئنی‌دن فعال اولماسینا دایر سفیرلیک طرفین‌دن یئنی معلوماتلار الده اولونان کیمی، ائ-مایل واسطه‌سیله» مراجعت‌چیلره معلومات وئریله‌جک.

بیر نئچه هفته سونرا ایسه پروسئس باش وئردی و پورتوقالییایا سفر ائتمک ایسته‌یه‌ن ایران‌لی عریضه‌چیلر اوچون ویزا وئریلمه‌سینه یئنی‌دن باشلاندی.