آنا صحیفه پلانت |
ارمنیستان اوردوسوندا داها بیر روسوایچی فاکت قیده آلینیب.
آخار. آذ خبر وئریر کی، بیر مدت اول ایروانین آچاپنیاک رایونوندان اوردویا چاغیریلان نارئک س. آدلی ۱۹ یاشلی گنج قانونی معزونیتیندن سونرا حربی حیصهیه دؤنمکدن ایمتینا ائدیب. والیدینلری ایله دانیشان نارئک اوردویا گئری قاییداجاغی حالدا اینتیهار ائدهجهیینی بیلدیریب.
«اوللر او، ۸۰ کیلوگرام ایدی. بیز اونو گؤرنده گؤزلریمیزه اینانمادیق. او، او قدر آریقلامیشدی کی - جمعی ۵۵ کیلوگرام چکیسی واردی. نارئک نیه اوردویا دؤنمک ایستمهدیینی آچیقلامیر. او، یالنیز اؤلجیینی، اما خیدمت ائتمیهجهیینی دئییر»، – دئیه عسگرین والیدینلری دئییبلر.
حادثه ارمنیستاندا عسگر فراریلیینی بیر داها گوندهمه گتیریب. ادعالارا گؤره، عسگرلره قارشی غیری-اینسانی حرکتلر، عینی زاماندا، اونلارین آذوقهسیز قالماسی، موختلیف، او جملهدن جینسی ایستیثمارا معروض قویولمالاری دوشمن اوردوسوندا گئنیش یاییلیب.
حقوق-محافظه اورگانلارینا مراجعت ائدن والیدینلرین چاغیریشی اساسیندا عسگر موراچان حربی هوسپیتالینا یئرلشدیریلیب. بورایا ایسه حربی پلیسین امکداشلاری گلیب و کاناز حربی هوسپیتالینا کؤچوروبلر.
قید ائدک کی، دونن همچینین ارمنیستان اوردوسونون حربی حیصهلریندن بیرینده آمیک واردانیان آدلی ارمنی عسگرینین جسدی تاپیلیب. ۲۰۰۰-جی ایل توللودلو عسگرین اؤلوم سببی بللی دئییل. آمیکین عائلهسینین تک اؤولادی اولدوغو بیلدیریلیب. حربچینین اؤلومو ایله باغلی اینتیهار سوییهسینه چاتدیرماق مادهسی ایله جینایت ایشی آچیلیب.
تاریخ
2019.07.22 / 15:40
|
مولف
Axar.az
|