آمریکادا میقرانتلارین سرعت‌لی دئپورتاسییاسی قای‌دالاری تطبیق ائدیله‌جک. یئنی قای‌دالارا گؤره قئیری-لئقال یوللارلا بو اؤلکه‌یه گلمیش اینسانلارین گئری قایتاریلماسی اوچون محکمه قراری طلب اولونمایاجاق. اوللر آیلار و ایللر سوره‌ن بو پروسئس، ایندی بیر نئچه گون داوام ائد‌جک.

آخار. آذ سی ان ان-ه ایستینادن خبر وئریر کی، بون‌دان سونرا آمریکا وطنداش‌لیغی اولمایان شخصلر بو اؤلکه‌نین اراضی‌سین‌ده فاصیله‌سیز اولاراق ایکی ایل یاشادیقلارینی ثبوت ائتمه‌لی اولاجاقلار. عکس حال‌دا، اونلار محکمه‌سیز دئپورتاسییا ائدیله‌جکلر. ایندیدک بو قای‌دالار یالنیز ایکی هفته عرضین‌ده سرحدی کئچمیش میقرانتلارا تطبیق اولونوردو.

آمریکانین حقوق مدافعه‌چیلری بیل‌دیریرلر کی، یئنی قایدالار یوز مینلرله میقرانتا شامیل ائدیله‌جک. آمریکا وطنداش آزادلیقلاری اتفاقی یئنی قایدالارلا باغلی محکمه‌یه مراجعت ائدجیینی بیان ائدیب.

فدرال ریئسترده درج اولوندوق‌دان سونرا یئنی قایدالارین بو گون قوه‌یه مینجیی بیلدیریلیر. آبش-این داخیلی تهلوکه‌سیزلیک ناظرینین وظیفه‌لرینی ایجرا ائد‌ن کئوین ماکالینان دئییب کی، بو پروسس اؤلکه‌نین جنوبون‌داکی میقرانتلارین ساخلانیلماسی مرکزینین بوشالماسینا سبب اولاجاق. اونون سؤزلرینه گؤره، بو آددیم گئتدیکجه گوجلنه‌ن ایممیقراسییا پروسئسلری باخیمین‌دان موهوم‌دور.

سی ان ان-ین خبرین‌ده بیلدیریلیر کی، حاضردا آمریکا اراضی‌سین‌ده ۱۰،۵ میلیون سندسیز میقرانت وار. اونلارین بیر چوخونون ۱۵ ایله اول بو اؤلکه‌یه گلدیی و سندلرینی رسمیلشدیرمدیی قید اولونور. قانون‌سوز میقرانتلارین اؤلکه‌دن دئپورتاسییا ائدیلمه‌سی پرزیدنت ترامپین سئچکی قاباغی وعدلریندن بیریدیر.