آنا صحیفه پلانت |
دونهن ۱۱۵ نفر میللی و دونیا علمی اولیمپیادالارینین مکافاتچیلاری، ایرانین گنجلردن عبارت وولیبول میللی کومانداسینین عضولری ایران عالی لیدری آیت اللاه سید علی خامنهای ایله گؤروشوب.
"بو اؤلکهنین سئچیلمیش گنجلری اومیدسیزلشیرلر. اؤزوندن، خالقیندان، مملکتیندن اومیدسیزلشیر. ساوادلی گنجلرین اومیدسیزلشمهسی عادی بیر مسئله دئییل. بیر بئیینین الدهن چیخماسی دئمکدیر. من اؤزومون و دوستلاریمین اومیدسیزلیینی گؤرموشهم. بو آغیر درددیر. جناب آغا، اولیمپییادالاردا ایشتیراک ائدنلرین اکثریتی اؤلکهدن گئتمک ایستییر. مهاجیرت یوخ، قاچماق ایستییرلر. بورادا اولماق ایستمیرلر. ایستمیرلر عدالتسیزلیکلری گؤرسونلر. گئتمک، وطنه، میللتینه، عائلهنه اولان عشقی تاپدالاماق دئمکدیر. بو چوخ آجیدیر".
آیتاللاه خامنهی گنجین شیکایتلرینین بعضیلری ایله راضی اولدوغونو وورغولاییب:
"مومکوندور کی، من سیزین بعضی سؤزلرینیزه راضی اولوم. اما اومیدسیزلییه قاپیلماغینیزی شدتله قیناییرام. سیز گنجسینیز و دئدیکلرینیز ایسه پروبلئملردیر. پروبلئملرین قارشیسیندا ناومید اولساق، گرک سیزدن اوولکی نسلین حرکاتی دایانایدی. و بیز ایندی تاغوت رژیمی دؤوروندهکی گئریده قالمیشلیق و فسادلا بیرلیکده یاشاییردیق. ناومید اولمایین و هئچ بیر شئی سیزین ناومید اولمانیزا سبب اولماسین. بو اؤلکه او اؤلکهدیر کی، تعصف وئریجی وضعیتدن بو حالا گلیب چیخیب. سیز جوانلار بونون سایهسینده سئچیلمیش بیر گنج اولموسونوز. و ایندی راحت شکیلده اؤز ایرادلارینیزی بیلدیریرسینیز. سیزین بو ایرادلارینیز اینشاللاه نظره آلیناجاق. بو چوخ موهومدور. مملکت بو یئره گلیب چاتیب. بونون قدرینی بیلین. قتیعن اومیدسیز اولمایین".
تدبیرین سونوندا گنج آیتوللاه سید خامنهای ایله گؤروشمیین اوشاقلیق آرزوسو اولدوغونو بیلدیریب و اونون یانینا یاخینلاشاراق قوجاقلاییب.
تاریخ
2019.08.21 / 14:05
|
مولف
Axar.az
|