سولدوزدا سلطان یعقوب اوتلاغین‌دا داها بیر یانغین باش وئریب.

آخار. آذ خبر وئریر کی، بو باره‌ده سولدوز اطراف موحیطین محافظه‌سی ایداره‌سینین رئیسی سعید رحمانپور معلومات وئریب.

«یانغین دونه‌ن گئجه باش وئریب و ۶ هکتار علاوه اوتلاغی یاندیراراق کوله چئویریب. درحال اطراف موحیطین محافظه‌سی ایداره‌سینین یانغین سؤندوره‌ن مأمورلاری حادثه یئرینه گئدیب. یئرلی اهالی ده یانغینین سؤندورولمه‌سین‌ده اونلارا کؤمک ائدیب. حادثه یئرینه گؤندریله‌ن مأمورلار و یئرلی اهالینین کمکی نتیجه‌سین‌ده یانغینین داها چوخ یئره کئچمه‌سینین، او جمله‌دن، ۱۱ هکتار اوتلاق و مشه لیین یانماسینین قارشی‌سی آلینیب. ایلکین آراشدیرمالارا گؤره، یانغینا اینسان عاملی سبب اولوب»، – رحمانپور وضعیتی شرح ائدرکه‌ن بیلدیریب.

قید ائدک کی، سولدوز غربی آذربایجانین جنوب حیصه‌سینه، اورمو شهرین‌دن ۹۵ فاصیله ایله یئرلشیر. شهرین آدی ۱۹۶۷-جی ایلده شاه دؤورون‌ده شهرین و محالین آدی آذربایجان توپونیملرینین دییشدیرمه‌سی سیاستینه اویغون اولاراق (تأسف کی، ایندی ده همین سیاست داوام ائتدیریلیر) دییش‌دیریله‌رک «نقده» قویولوب. همچینین دونیا اوزره تانینمیش تاریخچه‌سی ۶۰۰۰ ایل بون‌دان اوله قاییدان حسن‌لی عابده‌سی همین محل‌دا یئرلشیر. سولدوز محالین‌دا عمومی‌لیک‌ده ۷۴۰۰۰ هکتار اوتلاق و میللی ساحه یئرلشیر.