آذنیوز. تی وی خبر وئریر کی، ایسوئچ‌ده یاشایان بیر قروپ ایران‌لی، ایرانین خاریجی ایشلر ناظری محمد جواد ظریفین زیارتینه، ائلجه ده ایران‌دا اینسان حاقلارینین پوزولماسینا اعتراض اولاراق بو اؤلکه‌نین پارلامنتینین قارشی‌سین‌دا اعتراض آکسییاسی کئچیریب.

میتینگ زامانی بیر سیرا اعتراضچیلار پلیس طرفین‌دن حبس اولونوب.

همچینین ظریفین جیپئر آراشدیرما و تدقیقاتلار اینستیتوتون‌دا چیخیشی ایله عینی واخت‌دا بیر قروپ ایران‌لی دا پارلامنت قارشی‌سینا توپلاشیبلار.

اعتراضچیلار ظریفه و ایسلام رسپوبلیکاسین‌دا اینسان حاقلارینین پوزولماسینا قارشی شعارلار سسلندیریبلر.

ظریفین سفرینین دقت چکن مقاملارین‌دان بیری، اوچ ایلده‌ن چوخدور کی، ایران‌دا حبس‌ده اولان ایسوئچلی-ایران‌لی حکیم و تدقیقاتچی احمد رضا جلالینین اعدام حؤکمونه محکوم ائدیلمه‌سی‌دیر.

محمد جواد ظریف چرشنبه ایران حکومتین ایسوچ-ایران وطنداشی اولان احمد رضا جلالینین اعدام حؤکمونون ایجراسینی «تاخیره سالماق» اوچون «الین‌دن گلنی ائدجیینه» سؤز وئریب.