آنا صحیفه پلانت |
آمریکانین ایران ساحللرینه یاخین بین الخالق سولاردا دؤیوش نؤوبهسی چکن «آبراهام لینکلن» طیارهداشییان گمیسینده جدی حادثه باش وئریب.
آخار. آذ اینترنت-رسورسونا ایستینادا خبر وئریر کی، حادثه نتیجهسینده بئش دؤیوش طیارهسی زدلنیب، خسارت آلانلار وار.
معلوماتا گؤره طیارهداشییانین آویادونانماسینین ترکیبینده یئر آلان ۴ اف-۱۸ سوپر هورنت (وئرتیکال اوچوش قابیلیتلی) اوغورسوز ائنمه نتیجهسینده زدلنیب و سیرادان چیخیب. هابئله ائ-۲د Hawkey کشفیات طیارهسی سیرادان چیخیب و کشفیات میسییاسینی یئرینه یئتیره بیلمیر، زاوود شرایطینده جدی تعمیره احتیاجی وار.
معلوم اولوب کی، او جملهدن زدهلنهن قیریجیلارین ۲-ی فاکتیکی سیرادان چیخیب، اونلارین آنجاق زاوود شرایطینده تعمیر ائدیلمهسی مومکوندور. آنریکا حربی دنیز قوهلرینین کوماندانلیغی حادثه بارهده هر هانسی تفرعاتلار آچیقلامیر.
بونونلا بئله بعضی منبعلر بیلدیریر کی، ائ-۲د کشفیات طیارهسی هرمز کؤرفزی اوزرینده نفت تانکرلرینین تهلوکسیزلیینین تعمین ائدیلمهسی میسییاسیندان قاییدارکهن طیارهداشییانین گؤیرتهسینه اوغورسوز ائنیش ائدیب. طیارهنین تورموز تروسلاری ضعیفلدیی اوچون او واختیندا دایانا بیلمهییب و یاخینلیقدا دایانمیش قیریجیلارا چیرپیلیب. نتیجهده اف-۱۸ قیریجیلارینی سیرادان چیخاریب، بو زامان طیارهداشییانین هئیتیندن ایکی نفر خسارت آلیب.
تاریخ
2019.08.22 / 17:34
|
مولف
Axar.az
|