آمئریکا دؤولت دپارتامئنتینین ایران اوزره خصوصی ایشچی قروپونون رهبری برایان هوک آوگوستون ۲۳-ده «ال-هورره» خبر تلئکانالینا موصاحیبه‌سینده ایرانلا مومکون موذاکیره‌لردن و واشینگتونون تهرانا قارشی تطبیق ائتدیی سانکسییالاردان دانیشیب.

آخار. آذ-این معلوماتینا گؤره هوک دئییب کی، اگر ایسلام رسپوبلیکاسینین رهبرلری آمئریکا ایله دانیشیقلاردان ایمتیناع ائتسه‌لر، ترامپ حکومتینین ایراخنا قارشی سانکسییالاری داها دا گوجله‌ن‌دیریله‌جک: «حساب ائدیرم کی، آمئریکا حکومتی ایله دانیشیقلاری تاخیره سالماق ایران رهبرلرینین زیانینادیر. ایران رژیمی بوندان اول دفعه‌لرله دیپلوماتییانی رد ائدیب. حالبوکی ایران آمئریکا دیپلوماتییاسینا زوراکیلیق یولو ایله یوخ، دیپلوماتییا ایله جاواب وئرمه‌لی‌دیر. اگر ایران رهبرلری واشینگتونلا هر هانسی بیر موذاکیره آپاریلماسفینی ایسته میرلرسه، پروبلم یوخدور. لاکین بیز سانکسییالاریمیزی شیددتلندیرجییک.

ایران رسمیلرینین آمئریکادا کئچیریله‌جک نؤوبتی پرزیدنت سئچکیلری، ائلجه ده ایسلام رسپوبلیکاسینین سانکسییالارا باخمایاراق اؤز حیاتینی داوام ائتدیره جه یی ایله باغلی ادعالارینا گلینجه، اومید ائدیرم کی، ایران میللتینین خترینه اولموش اولسا دا اونلارین بو ادعالاری دوز چیخماسین. چونکی سون ۴۰ ایلده ایسلام رسپوبلیکاسینین ان قدیم قوربانی ایران خالقی و بو اؤلکه‌نین وطنداشلاری‌دیر.