آنا صحیفه پلانت |
آوقوستون ۲۵ سحر ساعتلاریندا ایسرایلین دمشقده بیر سیرا اوبیئکتلره هجوملاری و بئیروتداکی پارتلاییشلار بارهده معلوماتلار یاییلیب؛ ایسرایل سورییاداکی قودس قوهلری و شیعه یاراقلیلارینین هدفلرینه هوجوم ائتدیینی آچیقلاییب.
سون ساعتلاردا دمشقده و اطرافیندا پارتلاییش بارهده خبرلرین یاییلماسی ایله عینی واختدا، ایسرایل اوردوسونون سؤزجوسو سورییایا هجومو رسمی اولاراق تصدیقلهییب.
ایسرایل اوردوسونون سؤزچوسو گنرال رونئن مانلیس، قدس قوهلرینین پلانلی هجومونون قارشیسینی آلماق اوچون ایسرایل قوشونلارین «دمشقین جنوبونداکی اقربا کندیندهکی مؤقعلره هجوم ائتدیکلرینی» سؤیلهییب.
گنرال مانلیسین سؤزلرینه گؤره، ایسلام اینقیلابی کئشیکچیلری کورپوسونون قدس قوهلری جومعه آخشامی گونو ایسرایلین شیمالینا پیلوتسوز اوچوش آپاراتلاری واسطهسیله هوجوم ائتمهیه حاضیرلاشیردی.
ایسرایل اوردوسونون دیگر سؤزچوسو «آسوشتئد پرس»ا آچیقلاماسیندا قدس قوهلری و اونون دستکلدیی شیعه یاراقلیلارینین ایسرایله پارتلاییجی درونلارلا هوجوم ائتمهیه حاضیرلاشدیقلارینی بیلدیریب.
ایسرایلین باش ناظری بنیامین نتانیاهو یئنی عملیاتی «گنیش میقیاسلی عملیات» کیمی خاراکتئریزه ائدیب و Twitter حسابیندا بونون «قدس قوهلری و شیعه یاراقلیلارینین هجومونون قارشیسینی آلماق اوچون حیاتا کئچیریلدیینی» وورغولاییب.
ایسرایل مئدیاسی نتانیاهونون سورییایا هجوملاریندان سونرا کئریا’داکی بیر اوردو قرارگاهینا گئتدیی بارهده معلومات یاییب.
تاریخ
2019.08.25 / 11:27
|
مولف
Axar.az
|