قاراداغ مئشه‌لرین‌ده‌کی یانغین یئنی‌دن آلوولانیب.

بو باره‌ده خودافرین فرمانداری علی امیر بو گون گونورتا معلومات یاییب. معلوماتی خودافرینین اطراف موحیط ایداره‌سینین رئیسی ده تصدیقله‌ییب.

شرقی آذربایجان بحران ایدارئتمه باش دیرکتورو محمد باقیر هنربر ده خبری تصدیقله‌یه‌رک یانغینین وایگان بؤلگه‌سین‌ده ایلقینا دره‌سین‌ده یئنی‌دن باش وئردیینی بیردیریب.

یانغین بو دفعه خودافرینین واریان مئشه‌لرین‌ده آلوولانیب. ایمداد قوه‌لرینین یانغینین باش وئردیی یئره گؤندریلدیی بیدیریلیر.

همچینین، زنجانین تریم شهرینین اوتلاقلارین‌دا باش وئره‌ن یانغین نتیجه‌سین‌ده ۱۰ هکتار اراضی یاناراق محو اولوب. یانغین اهالی و یانغینسؤن‌دوره‌ن قوه‌لری طرفین‌دن سؤندورولوب. حادثه‌نین عاملی حال-حاضردا آراشدیریلیر.

خاطیرلاداق کی، قاراداغ‌دا داوام ائد‌ن مئشه یانغینلارین‌دا ۳۰۰ هکتاردان چوخ مئشه محو اولوب. خودافرین فرمانداری هلیکوپترلرین بؤلگه‌ده اولدوقلارینی بیلدیرسه ده، کلیبر-خودآفرینین میلت وکیلی اؤلکه‌نین شیمال غربین‌ده یئرلشن ۴ اوستان‌دا – شرقی و غربی آذربایجان، اردبیل و زنجان‌دا ۱ یانغینسؤن‌دوره‌ن هلیکوپترین بئله اولمادیغینی بیلدیریب.