آنا صحیفه پلانت |
چرشنبه آخشامی گونو آبش حکومتی، هماس و ترفدارلاری، او جملهدن ایران اینقیلاب کئشیکچیلری کورپوسونون بیر سیرا عضولرینه «گئنیش ایسپکترلی» سانکسییالار تطبیق ائدیب.
آمریکا مالییه ناظرلیگی یایدیغی بیاناتدا، یئنی سانکسییالارین حماس، القایده و اینقیلاب کئشیکچیلری کورپوسو ایله علاقهلی ۱۵ شخص و قورومو هدفه آلدیغینی قید ائدیب.
آمریکا مالییه ناظری ایستئون مانوچین ژورنالیستلره آچیقلاماسیندا دئییب: «بو تدبیرلر ترورچولارین آمریکا و متفیقلریمیزه هوجوم ائتمهلری اوچون لازیم اولان قایناقلاردان محروم ائدیلمهسینه یؤنلیب و اونلارلا علاقهلری داوام ائتدیرهن خاریجی مالییه قوروملاری بونا گؤره مسئولیت داشییاجاق».
بیاناتا اساساً، یئنی سانکسییالار آمریکا پرزیدنتی دونالد ترامپ طرفیندن «تروریزمه قارشی سانکسییالارین مودرنلشدیریلمهسی» آدلی سرانجام چرچیوهسینده تطبیق ائدیلیر.
یئنی سیاهیدا یئر آلان شخصلردن بیری ده «اینقیلاب کئشیکچیلری کورپوسونون لیوانداکی قودس قانادینین فیلیسطین اوزره ایدارهسینین رهبری» محمد سعید ایزدیدیر.
مانوچین چرشنبه آخشامی آمریکا دؤولت کاتیبی مایک پومپئو ایله کئچیردیی مطبوعات کنفرانسیندا دئییب: «بیلیرسینیز، بیز هر کسدن داها چوخ ایرانا قارشی سانکسییا تطبیق ائتمیشیک و بونلار یوز فایز اؤز تأثیرینی گؤستریر. دئیه بیلرهم کی، خاریجی ایشلر ناظری پومپئو، من و پرزیدنت ماکسیموم تضییق (ایرانا قارشی) کامپانییاسی ایله باغلی یئکدیل فیکره مالیکیک».
حماسین تورکییهدهکی مالییه شعبهسینین رهبری ظاهر جببارین ده آمریکانین سانکسییالار سیاهیسیندا یئر آلیب.
تاریخ
2019.09.11 / 12:11
|
مولف
Axar.az
|