آوسترالییا مئدیاسی سون آیلاردا ایران‌دا بو اؤلکه‌نین وطنداشلاری اولان ایکی قادین و بیر کیشینین حبس اولوندوقلارینی بیلدیریر.

آی بی سی تله‌کانالی، سیدنئی مورنینگ هئرالد و آگ قزئتلری ایکی آوسترالییالی قادینین ایرانا سفری زامانی حبس اولوندوقلاری حاق‌دا معلومات یاییبلار.

«سیدنئی مورنینگ هرالد» و «پاگئ» قزئتلری حبس اولونان قادینلاردان بیرینین بریتانییانین کئمبریج اونیورسیتتینین طلبه‌سی، دیگرینین ایسه بلوگر اولدوغونو یازیر. بریتانییادا چیخان تیمئس قزئتی، حبس اولونان بلوگر-توریستین سئوگی‌لی‌سی ایله آسییایا سیاحت ائتدیکلرینی بیلدیریب.

سون ایللرده اوزون مدت‌لی سفره چیخان بیر چوخ توریستلر سیاهتلری باره‌ده معلوماتلاری یووتوب و یا اینستاگرام کیمی سوسیال شبکه‌لرده یئرلشدیریرلر.

معلوماتلاردا ایکی قادینین عینی زامان‌دا بریتانییا وطنداش‌لیغی و کیشینین یالنیز آوسترالییا وطنداش‌لیغینی داشیدیغی یئر آلیر. آوسترالییا مئدیاسینا گؤره، اونلار «بیر نئچه آیدیر» کی، حبس‌ده ساخلانیلیرلار.

«آی بی سی» تله‌کانالی ساخلانیلان آوسترالییا-بریتانییا وطنداشلارین‌دان بیرینین «تخمیناً بیر ایلدیر حبس‌ده ساخلاندیغینی» قید ائدیر.

اؤتن گون «هرانا» سایتی، آوسترالییالی جوتلویون «جاجورد اطرافین‌دا بیر حربی بؤلگه‌ده دوشرگه قوردوقلاری اوچون» توتولدوغونو یازیب.