شرقی آذربایجانین طبیعی احتیاطلار ایداره‌سینین رئیسی توتدوغو وظیفه‌دن کنارلاشدیریلیب.

آخار. آذ خبر وئریر کی، ، داور نامدار آوقوست آیین‌دا قاراداغ مئشه‌لرین‌ده یوزلرله هکتار مئشه‌نین محو اولونماسی ایله نتیجه‌لنه‌ن یانغین و سون واختلار آذربایجان‌دا آغاجلارین گئنیش میقیاس‌دا کسیلمه‌سی ایله علاقدار توتدوغو وظیفه‌دن اوزاقلاشدیریلیب.

معلوماتا اساساً، داور نامدارین یئرینه رئیس تعیین اولونانادک شرقی آذربایجان کند تصروفاتی تشکیلاتینین رئیسی اکبر فتحی طبیعی احتیاطلار ایداره‌سینه نظارت ائد‌جک. بو باره‌ده ایرانین مئشه، اوتلاق و سولارین ایداره ائدیلمه‌سی تشکیلاتینین رئیسی خلیل آغایی قرار وئریب. اکبر فتحی ایداره‌یه نظارت ائتدیی مدت‌ده شرقی آذربایجان کند تصروفاتی تشکیلاتین‌داکی پوستونو قورویوب ساخلایاجاق.