آذربایجان اصیل‌لی بریتانییالی مشهور موغه‌ننی سامی یوسیفین گؤرکه‌م‌لی شاعر، متفکر عمادالدین نسیمینین «سیغمازام» غزلی اساسین‌دا حاضیرلادیغی یئددی دقیقه‌لیک کومپوزی‌سییا ترند ویدئولار سیراسین‌دا بیرینجی سیرادادیر. بوتون دونیادا بؤیوک ماراقلا ایزله‌نیله‌ن ویدئو سون گونلرین ان چوخ موذاکیره ائدیله‌ن مؤوضوعلارین‌دان بیرینه چئوریلیب.

کولت. آذ مؤوضوع ایله باغلی پئشکارلارین فیکیرلرینی اؤیرنیب.

امکدار اینجه صنعت خادیمی، بستکار ناعله میرممدلی Kult.az-آ آچیقلاماسین‌دا کومپوزیسییانی یوکسک قیمتلندیردیینی دئییب:

«کومپوزیسییا، اورکستر، خور چوخ گؤزل ایدی. دوزدور، آشیق سامیره‌نین سسی آز گلیردی. اما او دا گؤزل اوخویوب. سامیره هم ده منیم طلبه‌م اولدوغونا گؤره اونو همین صحنه‌ده گؤره‌ن‌ده چوخ سئویندیم. دوزو، کومپوزیسییانی گؤره‌ن‌ده هم سئویندیم، هم ده گؤزلریم دولدو. دوغرودان دا ذوقو هئچ جور اؤلدورمک مومکون دئییل. سئویندیم کی، بئله بیر شرایط یارادیلیب. تکی بئله گؤزل لاییحه‌لر بونونلا بیتمه‌سین، آردی گلسین. عمومیتله، ایلده بیر نئچه دفعه بئله کونسئرتلر کئچیریلسه، الا اولار. بئله‌لیکله، اینسانلاری گؤزل موسیقییه جلب ائتمک مومکون‌دور».

میرمممدلی سؤزوگئدن کومپوزیسییادا «حیراتی» ضرب-موغامین‌دان ایستیفاده اولوندوغونو بیلدیریب:

«ائله موغاملاردان ایستیفاده اولونوب کی، موسیقی‌دن اوزئییر بیین هاواسی گلیر. اونون بوتون اثرلری موغام اوزرینده قورولوب. اینسانلار بو کومپوزیسییانی اوزئییر بیین اثری ایله مقاییسه ائدیر. دئمه‌لی، بو بیزیم اؤز موسیقیمیزدیر. ساده‌جه بورادا موغاما ایستیناد اولونوب.

من طیار بایرامووون ایفاسینی چوخ بیه‌نیرم. کاش بو لاییحه داوام‌لی اولسون، نؤوبتی سفرلرده عالیم قاسیمووو، نزاکت تیمورووانی و ب. صحنه‌ده گؤرک. البته، هامی بئله بؤیوک لاییحه‌ده یئر آلماق ایستیر. فیکریمجه، دستک گؤستره‌ن اولسا، نسیمی ایلی چرچیوه‌سین‌ده اورتایا محتشم اثرلر قویماق اولار».

بستکار ایندی اولدوغو کیمی سوییه‌لی موسیقیلرین هر زامان آودیتورییا طرفین‌دن ماراقلا قارشیلاندیغینی سؤیله‌ییب:

«هردن دئییرلر کی، بو جور موسیقیلر ایندیکی زامان‌دا اینسانلارین ذوقونه اویغون دئییل. آذربایجان میللی موسیقی‌سینی هان‌سی دینلییجیمیزه تقدیم ائتسک، مطلق اونا رئاکسییا وئره‌جک. چونکی بو موسیقی اونون قانین‌دا وار.

صنعتی کیمین‌سه موقتی پوپولیارلیغینا، قازانجینا قوربان وئرمک اولماز. بیه‌م، بیز بستکارلار پول خترینه اوجوز، سوییه‌سیز ماهنیلار یازا بیلمیریک؟ بو بیزیم اوچون چوخ آسان بیر ایشدیر، اما اؤزوموزو ساخلاییریق، موسیقینی تاماها قوربان وئرمیریک».

«نسیمی» فیلمینده نسیمی اوبرازی ایله یادداشلاردا قالان خالق آرتیستی راسیم بالایئو ده «سیغمازام» غزلینین موغاملا سینتزینی بیندیینی دئییب:

«دوستلاریم منه ویدئو گؤندردی کی، بئله بیر کومپوزیسییا حاضیرلانیب. ایزلدیم و چوخ بیندیم. تأثیرلی آلینیب».

خالق آرتیستی منصوم ایبراهیموو ایسه کومپوزیسییانین آذربایجان مدنیتینه وئریلمیش ان گؤزل تؤهفه‌لردن بیری اولدوغونو دئییب:

«بو ایل بیزیم داهی شاعریمیز نسیمینین ۶۵۰ ایللیک یوبیلئیی‌دیر. نسیمی بوتون دونیادا تانینیر. اونا گؤره ده هر کس اؤز باجاردیغی قدر ایش گؤرمه‌یه چالیشیر. کنسرتین ان اؤنملی طرفی او ایدی کی، آذربایجان صنعتکارلاری و میللی موسیقی آلتلری اولان ساز، تار، کامانچا، بالابان، ناغارا و س. ایستیفاده ائدیلیب. بیر سؤزله، قیسا زامان عرضین‌ده چوخ ماراق‌لی، محتشم بیر ایش اورتایا قویولوب. سامی یوسیف دونیادا تانینان و سئویله‌ن بیر ایفاچی‌دیر. اونون گلیب آذربایجان‌دا نسیمینین غزلینه کومپوزی‌سییا حاضرلاماسی تقدیرلاییق‌دیر. حساب ائدیره‌م کی، نسیمی ایله باغلی چوخ ایش گؤرمک اولار و هر کس باجاردیغینی ائتمه‌لی‌دیر.

بیلدییم قدریله، سامی یوسیف اورکئسترداکی ایفاچیلاری شخصاً اؤزو سئچیب. دوشونوره‌م کی، کومپوزیسییادا هر شئی یئرین‌ده ایدی. حتی بیندییم اوچون سؤزوگئ‌دن ویدئونو سوسیال شبکه‌لرده پایلاشاراق تبلیغ ائلمیشم. اؤزونو آذربایجان‌لی حساب ائد‌ن هر کس اؤلکه‌سینین اوغورونا سئوینمه‌لی‌دیر».

قید ائدک کی، سامی یوسیفین یوتوب‌داکی صحیفه‌سین‌ده ۹ سنتیابردا پایلاشیلان کومپوزیسییا آرتیق ۱ میلیون ۱۰۰ مین ایزلنیلیب.