آمریکا پرزیدنتینین میللی تهلوکه‌سیزلیک اوزره کئچمیش مشاویری جون بولتون نیویورکدا کئچیریلن قاپالی گؤروش‌ده دونالد ترامپین خاریجی سیاستینی سرت شکیل‌ده تنقید ائدیب.

آخار. آذ خبر وئریر کی، بو باره‌ده «پولیتیکو» نشری گیزلی منبع‌لره ایستینادا اینفورماسییا یاییب.

بولتونون فیکرینجه، آمریکا پرزیدنتی دونالد ترامپین طالبان رادیکال حرکاتینین لیدرلرینی کمپ-دیویدده‌کی ایقامتگاهینا دعوت ائتمه‌سی قراری «دهشت‌لی سیگنال» اولوب. اکس-مشاویر سؤزوگئدن آددیمی ۱۱ سنتیابر تراکتی قوربانلارینا حؤرمتسیزلیک کیمی قیمتلندیریب.

بولتون همچینین شیمالی کورئیا و ایرانلا دانیشیقلار ایدئیاسینی دا تنقید ائدیب. اونون فیکرینجه، دانیشیقلار اولدن اوغورسوزلوغا محکوم اولوب. تهران و پیونگ یانگ دانیشیقلاردا یالنیز آمریکانین سانکسییا سیاستینی یومشالتماق اوچون ماراق‌لی اولوبلار.

بونونلا بئله ایجلاس‌دا بولتونون بیرباشا اولاراق ترامپین آدینی چکمدیی قید ائدیلیب.