ایران و آذربایجان خالقلاری اورتاق تاریخی کئچمیشه، عادت-عنعنه‌لره و دینی دیرلره مالیکدیرلر. بو فاکتلار دؤولتلرین یاخین مناسیبتلر قورماسینا بؤیوک زمین یارادیر.

آخار. آذ خبر وئریر کی، بو سؤزلری ایرانین پرزیدنت آدمینیستراسییاسینین رهبری محمود واعظی دئییب. او بیلدیریب کی، ایکی اؤلکه‌نین پرزیدنتلری سون بئش ایلده ۶ دفعه گؤروشوب و علاقه‌لرین اینکیشافینی موذاکیره ائدیبلر. بو گؤروشلر هر ایکی پرزیدنتین سیاسی ایراده‌سینین یوکسک اولدوغونو گؤستریر.

محمود واعظی نظره چاتدیریب کی، حاضردا اؤلکه‌لریمیز آراسین‌دا قارشی‌لیق‌لی علاقه‌لر اوغورلا اینکیشاف ائدیر. بو امکداشلیق اقتصادی ساحه‌ده اؤزونو داها چوخ گؤستریر. ایران و آذربایجان بین الخالق اهمیت داشییان شیمال-جنوب بینلخالق نقلیات دهلیزینین فورمالاشماسین‌دا ایشتیراک ائدیرلر. بو لاییحه تکجه ایران ایله آذربایجانی دئییل، آسییا ایله آوروپانی دا بیرلشدیره‌جک.

آدمینیستراسییا رهبری بیلدیریب کی، اؤلکه‌لریمیزین اقتصادی پوتنسیالی بؤیوکدور و علاقه‌لرین داها دا گئنیشله‌نمه‌سینه ایمکان وئریر. ایران آذربایجان ایله بوتون ساحه‌لر اوزره علاقه‌لرین گئنیشله‌نمه‌سی اوچون هئچ بیر مانعه گؤرمور.

"بیزیم مناسیبتلریمیز دوستلوغا و قارداشلیغا اساس‌لاناراق صمیمی کاراکتر داشیییر"، - دئین محمود واعظی وورغولاییب کی، هئچ بیر قوه بو قارداشلیق مناسیبتلرینی پوزا بیلمز.