سون گونلرده ایسلام رسپوبلیکاسی حکومتینین سریشته‌سیز ایداره‌چیلیک و مختلیف اقتصادی، سوسیال، مدنی و اطراف موحیط ساحه‌لرین‌ده، مالییه طلبلری و دیگر ایداره ائتمه مسئله‌لرین‌ده یانلیش سیاستینه اعتراض اولاراق ایرانین موختلیف بؤلگه‌لرین‌ده آکسییالار کئچیریلیر.

قوچان تکنولوگییا اونیورسیتتینین بیر قروپ طلبه‌سی، کاسپیان مالییه- کردیت اینستیتوتونون ضررچکمیش امکداشلاری، ثامن الحجج مالییه- کردیت موسسه‌سینین ضررچکمیش امکداشلاری، تحصیل‌دن محروم ائدیله‌ن سها مرتضایینین آکسیاسینین اوچونجو گونو، اراکین «آذراب» شیرکتینین ایشچیلری، کؤرفز نقلیات شیرکتینین ایشچیلری، شاپرک آلیش-وئریش مرکزینین امکداشلاری، خوزیستان ویلایتینین شوشتر بلدییه‌سینین مقاویله‌لی ایشچیلری وطنداش حقوقلارینین پوزولماسینا اعتراض اولاراق آکسییا کئچیریبلر.

ایلنا-نین معلوماتینا گؤره، مقاویله اساسین‌دا اوچ پودراتچی شیرکت‌ده ایشله‌یه‌ن شوشتر بلدییه‌سینین فهله‌لری ۱۳ اوکتیابر ۲۰۱۹ -جو ایل تاریخ‌ده بیلدیریبلر: «مشغوللوق ایستاتوسوموزون بیرباشا مقاویله اساسین‌دا اولماسینی ایستییریک».

سایلاری تخمیناً ۳۰۰ نفره چاتان همین ایشچیلرین بیر قروپو شهر سووتینین بیناسینین قارشی‌سیندا اعتراض آکسییاسی کئچیریب. اونلار پودراتچینین اولماسی نتیجه‌سینده طلبلرینین آزالدیغینی گؤرور و بو، اونلاری چتین مالییه وضعیتی ایله قارشی-قارشییا قویوب.