بریتانییانین تهران‌داکی سفیرلیگی بیر قروپ اینگیلتره‌لی موتخس‌سی‌سین اراک آغیر سو رئاکتورونو مودئرنلش‌دیرمک اوچون ایرانا سفر ائتدیی باره‌ده معلومات یاییب.

آخار. آذ-این معلوماتینا گؤره سفیرلیین یایدیغی بیانات‌دا قید ائدیلیر کی، اینگیلتره باش علمی مشاویری، پروفسور روبین گریمسین رهبرلیک ائتدیی اکسپرتلر چین‌لی متخصصلرله بیرلیک‌ده اراک رئاکتورونون مدرنلشدیریلمه‌سینین نؤوبتی مرحله‌سینی حیاتا کئچیرتمک ایستیقامتین‌ده اؤت‌ن گون تهرانا گلیبلر.

متخصصلرین ایرانین آتوم انرژیسی اوزره آگنت‌لیگیله رئاکتور تیکینتی‌سیله باغلی تکنیکی یاردیم گؤستریلمه‌سی اوزره دانیشیقلار آپاراجاقلاری گؤزلنیلیر. اینگیلتره‌لی قروپ بو اؤلکه‌ده ۳ گون قالاجاق.

«بو سفر هرطرف‌لی بیرگه فعالیت پلانینین ایران و رازیلاشمانی ایمضالایان دیگر اؤلکه‌لره تعمین ائتدیی منفعتلری عملی فورمادا تطبیق ائتمک و اؤز عهده‌لیکلریمیزدن بیر قیسمینی ایجرا ائتمک اوچون حیاتا کئچیریلیب. بیز اوزریمیزه گؤتوردویوموز عهده‌لیکلره اویغون اولاراق، ایرانین دینج نووه پروگرامینین مدرنلشدیرمه‌سینه کؤمک ائتمک اوچون اراک آغیر سو رئاکتورونون یئنی‌لنمه‌سی ایستیقامتین‌ده ایران طرفی ایله امکداشلیق ائدیریک. بو ساحه‌ده ائتدییمیز امکداشلیق اؤتن ایل عرضین‌ده موهوم اینکیشاف و دییشیک‌لییه سبب اولوب»،- دئیه سفیرلیین معلوماتین‌دا قید ائدیلیر.