بین الخالق والیوتا فوندو (بوف) اوکتیابرین ۱۵-ده یاییملادیغی حسابات‌دا ایرانین جاری ایل اوچون اقتصادی آرتیمینین ۹.۵ فایز منفی اولاجاغینی پروقنوزلاشدیریب.

گلوبال اقتصادیاتین پرسپکتیولرینی آراشدیران حسابات‌دا دئییلیر کی، ایرانین ۲۰۱۸-جی ایلده منفی آرتیم تمپی ۴.۸ فایز، گلن ایل اوچون ایسه صیفیر فایز اولاجاق.

بوف-نون ایستاتیستیکاسینین دئتاللاری ایرانین ونزوئلادان سونرا دونیادا ان آشاغی اقتصادی آرتیمی اولاجاغینی گؤستریر.

بوف-نون حساباتی دونیا بانکینین ایرانین بو ایل اوچون اقتصادی آرتیمینین منفی ۸.۷% سوییه‌سین‌ده اولاجاغینی پروقنوزلاشدیرماسیندان بیر هفته سونرا درج ائدیلیب.

البته کی، دونیا بانکی، ایرانین نفت ایخراجاتینین گون‌ده‌لیک ۵۰۰ مین بارله یاخین اولاجاغینی و بو حجمین داوام ائدجیینی گومان ائد‌رک پروقنوزلاشدیرمیشدی، حالبوکی، نفت تانکرلرینین ایزله‌مه شیرکتلرینین رقملری گؤستریر کی، سون بیر نئچه آی عرضین‌ده ایرانین نفت ایخراجی گونده‌لیک ۳۰۰ مین بارئلدن آشاغی دوشوب کی، بونون دا اساس حیصه‌سی آزادگان و یاداوران یاتاقلارینین ایشلنیلمه‌سی مقابیلین‌ده چینین سی.ان.پی.سی و سینوپک شیرکتلرینه اولان بورجلارینی اؤد‌مک اوچون بو اؤلکه‌یه نقل ائدیلیر، قالان حیصه‌سی ایسه سورییایا گؤندریلیر.

سورییانین ایران‌دان آلدیغی نفته گؤره پول اؤد‌ییب-اؤدمدیی معلوم دئییل.