آنا صحیفه پلانت |
فرانسا و آلمانییا لیدرلری امانوئل ماکرون و آنگلا مرکل یاخین شرقده گرگینلیین آرتماسیندان ناراحاتلیق ایفاده ائدرک، ایرانین راکت پروگرامی ایله باغلی دانیشیقلارین آپاریلماسینین واجیبلیینی وورغولاییب.
فرانسا پرزیدنتی و آلمانییا کانسلری فرانسانین تولوزا شهرینده فرانسا و آلمان نماینده هئیتلرینین بیرگه گؤروشونون سونوندا آچیقلاما یایاراق بیلدیریبلر: «ایرانلا نووه پروگرامینین اوزون مدتلی چرچیوهسی بؤلگهده تهلوکهسیزلیک پروبلملرینه، خصوصاً ده راکئت و دیگر بوراخیلیان سلاح پروقراملاری مسئلهلری ایله باغلی دانیشیقلارین برپاسی واجیبلیینی وورغولاییریق».
ماکرون و مرکئل، همچینین بؤلگهده آرتان گرگینلیگی نظره آلاراق، ایرانی «نووه سازیشی چرچیوهسینده اؤهدهلیکلرینه درحال قاییتماغا» چاغیریبلار.
سون آیلاردا ایران آمریکانین نووه سازیشیندن چیخماسینا و آوروپانین «پاسسیولیگی»نه جاواب اولاراق مرحلهلی شکیلده نووه عهدهلیکلرینی آزالدیب.
فرانسا و آلمانییا لیدرلری هابئله بیر داها بؤلگهدهکی گرگینلیین آرتماسی، سعودییه عربیستانینین نفت اوبیکتلرینه سون هجوملار، هؤرموز بوغازیندا گمیلرین سربست حرکتینه قارشی آددیملاری دا پیسلهییب.
بونونلا یاناشی، ایکی آوروپا رسمیسی بریتانییا ایله بیرلیکده دیپلماتیک سیلری داوام ائتدیرمک و یاخین شرقدهکی گرگینلیکده ایشتیراک ائدن طرفلرله دیالوگ اوچون شرایط یارادیلماسینا چاغیریب.
تاریخ
2019.10.17 / 15:40
|
مولف
Axar.az
|