آنا صحیفه پلانت |
شرقی آذربایجان والیسی محمدرضا پورمحمدی تمثیل ائتدیی ایالتین اساس پروبلملرینی دیله گتیریب.
آخار. آذ خبر وئریر کی، او بو بارهده شرقی آذربایجانین ضیالی خانیملار و مدیر پوستوندا چالیشان قادینلارلا بیرگه کئچیریلن ایجلاسدا چیخیش ائدیب.
«شرقی آذربایجانین باشلیجا پروبلمی الیت طبقهسینه منصوب اینسانلارین ایالتدن کؤچمهسیدیر. آرتیق کند اهالیسینین شهره کؤچمهسی مسئلهسی گوندهمدن چیخیب، اساس مسئله سرمایه صاحبلری و الیت طبقهیه منصوب اینسانلارین ایالتی ترک ائتمهسیدیر. بونون نتیجهسینده هم اهالیمیزین سایی آزالیر، هم ده بودجهمیزه منفی تأثیر گؤستریلیر. اقتصادی اینکیشافا تکان وئربیلهجک قوهلرین ایالتدن کؤچمهسی اقتصادیاتیمیزین تنزولونه سبب اولور. وضعیت بئله داوام ائدرسه، بیز گلهجک ۱۰ ایل عرضینده شرقی آذربایجاندا جمعیتین قوجالماسینا شاهید اولاجاییق.»- دئیه او بیلدیریب.
والی پرزیدنتین قادینلار و عائله ایشلری اوزره معاوینی معصومه ابتیکارین قاتیلدیغی ایجلاسدا بؤلگهده یاشانان ایشسیزلیک پروبلمینه ده توخونوب.
تاریخ
2019.11.12 / 10:55
|
مولف
Axar.az
|