جمعه گونو تورکمنچای‌دا باش وئره‌ن ۵.۹ بال گوجون‌ده زلزله شرقی آذربایجانین ساراب و میانا شهرلرین‌ده‌کی یول و کؤرپولره ۱۰ میلیارد تومن زیان ووروب.

آخار. آذ خبر وئریر کی، بو سؤزلری شرقی آذربایجانین یول نقلیات ایداره‌سینین ری‌سی اوروج علی علی‌زاده ژورنالیستلره آچیقلاماسین‌دا دئییب. او بیلدیریب کی، زلزله‌ده یئددی میلیارد تومه‌ن یول، ۳ میلیارد تومن دیرین‌ده ایسه کؤرپولره زیان دییب:

«شرقی آذربایجانین زلزه‌له‌یه مئیل‌لی اراضیلرین‌ده زلزله و اونون آردین‌دان باش وئره‌ن سیلکه‌له‌نمه‌لر نتیجه‌سین‌ده یئددی کؤرپونون زدلنیب. بو کؤرپولره ۲۰-۴۰% آراسی زیان دییب. ضرر گؤرموش کؤرپولردن ۵-ی میانادا، ۲-سی ایسه ساراب‌دا یئرلشیر».

قید ائدک کی، اؤت‌ن جمعه، نویابرین ۸-ی شرقی آذربایجان‌دا ۵.۹ بال گوجون‌ده زلزله باش وئریب. نتیجه‌ده ۵ نفر اؤلوب، ۷۰۰ نفر یارالانیب.