آنا صحیفه پلانت |
ایران ایله آذربایجان سرحدچیلری آراسینداکی قارشیلیقلی امکداشلیق علاقهلری یوکسک سوییهدهدیر.
آخار. آذ خبر وئریر کی، بو سؤزلری ایرانین سرحد قوشونلارینین کوماندانی، گنرال قاسیم رضایی دئییب
ایرانین پاکیستان و افغانیستان ایله سرحدلریندهکی وضعیتله تانیش اولماق اوچون سیستان-بلوجیستان ویلایتینه سفر ائدن ق. رضایی زاهدان شهرینده ژورنالیستلرین سواللارینی جوابلاندیریب. سواللاردان بیرینین جوابیندا گنرال آذربایجان ایله ایران سرحدچیلرینین امکداشلیغینی نمونه گؤستریب. قید ائدیب کی، اوغورلو امکداشلیق سایهسینده هر ایکی اؤلکهنین سرحدی داها یاخشی محافظه ائدیلیر و تهلوکهسیزلیک تعمین اولونور. اونون سؤزلرینه گؤره، قارشییا چیخان هر هانسی پروبلئم اوغورلو قارشیلیقلی امکداشلیق سایهسینده تئز بیر زاماندا حلینی تاپیر.
خاطیرلاداق کی، افغانیستاندان ایرانا قاچاقمالچیلیق یولو ایله کوللی میقداردا نارکوتیک واسطهلر داخیل اولور. قاچاقمالچیلار ایران اراضیسیندن ترانزیت کیمی ایستیفاده ائدرک نارکوتیک واسطهلری آوروپا اؤلکهلرینه داشیییرلار. ایران بو منفی حاللا فعال مباریزه آپاریر. افغانیستان-ایران سرحدینده سرحدچیلر طرفیندن هر ایل ۱۰ تونا یاخین نارکوتیک ماده توتولور. بورادا ایران سرحدچیلری ایله قاچاقمالچیلار آراسیندا تئز-تئز سلاحلی اینسیدنتلر یاشانیر. ایندیدک باش وئرمیش اینسیدنتلر نتیجهسینده ایرانین ۲۰-دن چوخ سرحدچیسی شهید اولوب.
تاریخ
2019.11.12 / 15:21
|
مولف
Axar.az
|