خاریجی ایشلر ناظیرلیینین سؤزچوسو عباس موسئوی ناظیرلیین سایتین‌دا یاییم‌لانان آچیقلاماسین‌دا، ایسلامی جیهاد حرکاتینین حربی قانادی اولان قودس سئرییه‌لرینین کومان‌دیرلرین‌دن باها ابو آتا و حیات یولداشی اسما ابول عطانین اؤلومو ایله نتیجه‌لنه‌ن هجوملارین محاربه جینایتی اولدوغونو و ایسرایلین بین الخالق محکمه‌لرده بونون حسابینی وئرمه‌سینین واجیبلیینی وورغولاییب.

آخار. آذ خبر وئریر کی. فیلیسطینین ایسرایله قارشی موباریزه‌ده مقاومت ائتمک‌دن باشقا چاره‌سینین اولمادیغینی ایفاده ائد‌ن موسوی، بین الخالق تشکیلاتلاری هجوملارا بیگانه قالماق‌دا اتهام ائدیب. ایسرایلین الده ائتدیی بو دستکله فیلیسطینه هوجوم ائتدیینه دقت چکن موسوی رگیونال و بین الخالق تشکیلاتلارا ایسرایلین فیلیسطینه یؤنه‌لیک هجوملارینین دایاندیریلماسی اوچون عهده‌لیکلرینه عمل ائتمه‌لری حاقین‌دا مراجعت ائدیب.

قید ائدک کی ایسرایل اوردوسونون دونن غزانین شرقین‌ده‌کی ایسلام جیهاد حرکاتینین حربی قانادی قدس سئرییه‌سینین آپاریجی کومان‌دیرلرین‌دن باها ابول عطانین ائوینه تشکیل ائتدیی هوجوم نتیجه‌سین‌ده ابو آتا و حیات یولداشی اسما ابول عطا حیاتینی ایتیردی. همین هجوم‌دان سونرا باش‌دا تل-اویو اولماقلا ایسرایلین بیر چوخ بؤلگه‌سینه راکت هجوملاری تشکیل ائدیلدی. بؤلگه‌ده‌کی گرگینلیین تاریما چکیلمسیله ایسرایلین غزایا ائندیردیی آویا ضربه‌لر نتیجه‌سین‌ده ۱۲ فیلیسطین‌لی اؤلدو، ۴۵-ی یارالاندی.