آنا صحیفه پلانت |
ایران آذربایجانیندا سوسیال مئدیادا پایلاشیلان ویدئو و شکیللرده آراز چایینین سویو یاشیل رنگی آلدیغی موشاهیده اولونور. سوسیال شبکهلرین ایستیفادهچیلری آراز چایینین رنگ دییشمه سببینی ائرمنیستان صنایعسینین توللانتیلارینی بو چایا آخیتماسی اوزوندن باش وئردیینی دئییرلر.
آخار. آز-این معلوماتینا گؤره، خودافرین رایونونون مئری علی امیر-رادین آراز چاییندا هر هانسی بیر کیرلیلیین اولماسینی رد ائدرک، چایین سویونون یاشیل رنگ آلماسینی هاوا و ایقلیم دییشیکلیگی نتیجهسینده یوسونلارین آرتماسی ایله سویون یاشیل رنگ آلدیغینی بیلدیریب.
موغان بؤلگهسینین پارساباد مئری ایسه ائرمنیستانین کیمیوی توللانتیلارینین آرازا آخیتماسینی رد ائدیب. او، سوسیال شبکه ایستیفادهچیلری و فعاللاریندان خبرین دوغرولوغونو تسبیتلدیکدن سونرا یایمالارینی ایستهییب.
۲ ایل اول آراز چاییندا کوتلوی شکیلده بالیقلارین اؤلمهسینینه ائرمنیستانین صنایعسیندن کیمیوی توللانتیلارین چایا آخیتماسینین سبب اولدوغو بیر داها گئنیش شکیلده یاییلسا دا، شرقی آذربایجان ویلایتینین اطراف موحیط دیرئکتورو ائرمنیستانین صنایع چیرکاب سولارینین آرازا آخیدیلماسینین دایاندیریلمادیغینی بیلدیرهرک، بالیقلارین اؤلومونون باشقا بیر ندنی اولدوغونو دئمیشدی.
جاببار وتنفهدا ایرانین ائنئرگئتیکا نازیرلیینین چایلار و مشترک سو قایناقلاری بوروسونون باش دیرئکتورو ایکی ایل اؤنجه آراز چایینین سویوندا تدقیقاتلار نتیجهسینده آغیر مئتاللارین اولدوغونو بیلدیرمیشدی. ۱۶-جی میللی هیدرولیک کونفرانسیندا دانیشان وتنفهدا ایران و ائرمنیستان سرحدینده و ائرمنیستان اراضیسینده بیر نئچه میس مدهنی و فابریک اولدوغونو و بو فابریکلرین توللانتیلارینین بیر قیسمینین آراز چایینا آخیدیلدیغینی بیلدیرمیشدی.
بیلسووار و پارساباد رایونلارینین ایران پارلامئنتیندهکی میللت وکیلی شکور پورهوسئین ایسه ۳ ایل اؤنجه بؤلگهده خرچنگ خستلیین چوخالماسینین سببینی ائرمنیستان صنایعسینین کیمیوی توللانتیلارینی آراز چایینا آخیتماسی نتیجهسینده باش وئردیینی بیلدیرمیشدی. او دئمیشدی کی، "تعجبلنیرم کی، آیلارجا مئدیادا بو حاقدا خبردارلیقلار ائدیلمهسینه باخمایاراق، حکومت بو مؤوزونون حلی اوچون هئچ بیر آددیم آتماییب. بیز ایستییریک کی، حکومت ائرمنیستانین اؤهدهلیک قبول ائتمهسی اوچون جدی آددیملار آتسین."
شرقی آذربایجان ویلایتینین کند تصروفاتی و طبیعی سروتلر آراشدیرما و تدریس مرکزینین مودیری احمد بایبوردی نویابرین ۱۳-ده تویتئر حسابیندا تدقیقاتلار نتیجهسینده آراز چایینین سویوندا ائرمنیستانین چیرکاب سولاریندان دولایی آلومینیومون یوکسک کونسئنتراسییاسینین معین ائدیلدیینی بیلدیریب.
تاریخ
2019.11.14 / 23:16
|
مولف
Axar.az
|