آنا صحیفه پلانت |
ب ام ت باش آسامبلئیاسینین ۳-جو کمیتهسی نویابرین ۱۴-ده قطعنامه قبول ائدرک ایراندا اینسان حقوقلارینین کوبود شکیلده پوزولماسینی کسکین پیسلهییب.
آخار. آذ خبر وئریر کی، کانادا طرفیندن ب ام ت-یه تقدیم ائدیلهن قطعنامهنین متنی سسه قویولوب. ۸۴ اؤلکه قطعنامهنین لئهینه، ۳۰ اؤلکه علیهینه سس وئریب، ۶۶ اؤلکه ایسه بیطرف قالیب. بونونلا دا قطعنامه سس چوخلوغو ایله قبول اولونوب.
ب ام ت-نین ایراندا اینسان حقوقلاری اوزره اؤزل نمایندهسی جاوید رحمانین ایکی حساباتینا اساساً حاضرلانان ۶ صحیفهدن عبارت قطعنامهده، ایراندا دینی و ائتنیک آزلیقلارا قارشی تطبیق ائدیلهن تضییق و آیری-سئچکیلیک، ائلجه ده بهایلرین، صوفی و درویشلرین دینی عقیدهسینه گؤره تضییق و تعقیبلره معروض قویولماسی، سؤز و ایفاده آزادلیغینین محدودلاشدیریلماسی و آزاد دوشونجهنین قارشیسینین آلینماسی کیمی حاللار پیسلنیلیر.
قطعنامه همچینین ایران حکومتیندن اؤلکهدهکی دینی و ائتنیک آزلیقلارا قارشی گؤستریلهن تضییق و آیری-سئچکیلییه سون قویولماسینی، حبسده ساخلانیلان قادین حقوق مدافعهچیلرینین درحال آزادلیغا بوراخیلماسینی، قادینلارا قارشی آیری-سئچکیلییه یول وئرهن قانونلارین لغو اولونماسینی، ایران زیندانلاریندا محبوسلارین ساخلانما شرایطینین یاخشیلاشدیریلماسینی، سؤز و ایفاده آزادلیغینا رعایت اولونماسی طلب ائدیلیر.
بیلدیریلیر کی، غرب اؤلکهلریندن آمریکا بیرلشمیش ایشتاتلاری، بؤیوک بریتانییا، ایسپانییا، ایسوچ، ایسوچره، هللاندییا، سلوواکییا، اوکراینا، فینلاندییا، فرانسا، دانیمارکا و آلمانییا، اورتا شرق اؤلکهلریندن ایسه سعودییه عربیستانی، بیرلشمیش عرب امیرلیکلری و بحرین قطعنامهنین لئهینه سس وئریب.
تاریخ
2019.11.15 / 14:43
|
مولف
Axar.az
|