اؤتن گون آخشام ساعتلارین‌دا ایرانین بیر سیرا شهرلرین‌ده بئنزینین قیمتینین باهالاشماسینا اعتراض آکسییالاری کئچیریلیب.

آخار. آذ خبر وئریر کی، بو باره‌ده ایرنا یازیب.

معلوماتا گؤره، کیچیک میقیاس‌لی اعتراضلار ایرانین مشهد، شیراز، بیرجند، اهواز و بیر سیرا دیگر شهرلرین‌ده کئچیریلیب. سیرجان بؤلگه‌سین‌ده اعتراضچیلار یئرلی نفت آنبارینی یاندیرماغا چالیشسا دا پلیس امکداشلاری بونون قارشی‌سینی آلیب.

خاطیرلاداق کی، ایران‌دا کووتادان آرتیق ساتیلان بنزینین قیمتی ۳ دفعه باهالاشیب. ایران‌دا بون‌دان اؤنجه کووتادان آرتیق ساتیشا چیخاریلان بئنزینین قیمتی ۱۰۰۰ تومن ایدی. هر بیر آوتومبیل صاحبی آیدا ۶۰ لیتره قدر کووتا ایله بنزین آلا بیلر.

***

بنزینین قیمتینین باهالاشماسینا اعتراض اولاراق ایرانین کیرمان ایالتینین سیرجان شهرین‌ده کئچیریله‌ن اعتراض آکسییاسین‌دا بیر نفر اؤلوب.

بو باره‌ده ایرنا آگئنت‌لیگی معلومات یاییب.

اونون اودلو سلاح‌دان آچیلان آتش نتیجه‌سین‌ده اؤلدورولوب-اؤلدورولمدیی آراشدیریلیر.

****

ایرانین باش پروکورورو محمد جعفر منتظری اؤلکه‌ده‌کی اعتراضلارین خاریج‌دن تشکیل ائدیلدیینی دئییب.

او، اجتماعی آساییشی پوزماغا چالیشانلارا سرت قارشی‌لیق وئریلجیینی بیلدیریب:

»خالق تخریبات‌چیلار طرفین‌دن یارادیلان بو وضعیت‌دن راضی دئییل. ویرتوال مکان‌دان ایستیفاده ائد‌رک خالقی تحریک ائتمه‌یه چالیشان، کؤکلری اؤلکه خاریجین‌ده اولان تخریبات‌چیلارا خبردارلیق ائدیره‌م. بو فعالیتلر جینایت تشکیل ائد‌جک و تهلوکه‌سیزلیک قوه‌لری ایله محکمه طرفین‌دن جدی قارشی‌لیق گؤره‌جک».