ایتالییانین بوتون اراضی‌سین‌ده بوشانان و منزیلین‌دن محروم اولان کیشیلر اوچون سیغیناجاق ائولری آچیلا بیلر.

آخار. آذ خبر وئریر کی، بو اؤلکه‌ده نیکاحین ختم ائدیلمه‌سین‌دن سونرا منزیللرین ۶۰ فایزی اوشاق‌لی قادینلارا قالیر. بئله حاللارین ۹۴ فایزین‌ده ایسه کیشیلر هم اوشاقلارا، هم ده قادینلارین اؤزلرینه آلیمئنت وئرمه‌لی اولورلار. ایتالییا ایستاندارتلارین‌دا بو اؤدنیشلرین مبلغی ۱۰۰۰-۱۵۰۰ آورو آراسین‌دادیر. بو جور چتین وضعیته دوشموش کئچمیش ارلر بیر آندا یوخسول و ائوسیز-ائشیکسیز اینسانلارا چئوریلیرلر. حتی اونلارین بعضیلری اؤز شخصی آوتومبیلین‌ده گئجه‌له‌مه‌لی اولورلار.

ایتالییادا تاسیس اولونموش بوشانمیش کیشیلر آسوسیاسییاسی بو حاللارلا باغلی حکومت اورگانلارینا مراجعت ائدیبلر. سوسیال فلاکت حدینه چاتمیش وضعیته مداخیله ائد‌ن لاتسیو رگیونونون رهبرلیگی (پایتخت روما دا بو بؤلگه‌یه داخیل‌دیر) بوشانمیش و مادی جهت‌دن آغیر وضعیته دوشموش کیشیلره مالییه یاردیمی ائتمک قرارینا گلیب. بون‌دان باشقا، اونلار خصوصی سیغیناجاق ائولرده ده یئرلشدیریلیر. لاکین دؤولت بورجو ۲ تریلیون دلارا چاتان ایتالییانین دیگر رئگیونلارینین دا تئزلیکله بو تجروبه‌نی تطبیق ائدجیی معلوم دئییل.