آمریکانین دؤولت کاتیبی مایک پومپئو نویابرین ۱۵-ده تکزاس ایشتاتینین هیوستون شهرینین رایس اونیورسیتئتین‌ده چیخیش ائد‌رک ایران، ونزوئللا و هونگ کونگ اهالی‌سینین آزادلیق اوغروندا آپاردیغی مباریزه‌سین‌دن دانیشیب.

آخار. آذ-این معلوماتینا گؤره پومپئو دئییب کی، آزادلیق و اونا ییه‌له‌نمک ایلاهی بیر نعمت‌دیر و بوتون اینسنلار، او جمله‌دن ایران، ونزوئللا و هونگ کونگ خالقلاری آزاد یاشاماق حقوقونا مالیک اولمالیدیرلار: «بو گون ایران، وئنئسوئللا و هونگ کونگ اهالی‌سینین آزادلیق اوغرون‌دا آپاردیغی مباریزه‌سینین شاهیدیگیک. آزادلیق گوجونه ییه‌له‌نمک ایلاهی بیر نعمت‌دیر. بشریتین آزادلیغا احتیاجی طبیعی بیر ایستک‌دیر و بو ایسته‌یه هئچ واخت گؤز یومماق اولماز.

بیز اینسانلار آزاد یاشاماق حقوقونا مالیکیک. بو گون ایسه بیز ایران ایسلام رسپوبلیکاسی، ونزوئللا و هونگ کونگ وطنداشلارینین آزادلیق اوغرون‌دا دؤیوشدویونو گؤرور و بونو یوکسک قیمتلندیریریک» –دئیه، آمریکانین دؤولت کاتیبی مایک پومپئو علاوه ائدیب.