ایران خاریجی ایشلر ناظیرلیینین مطبوعات کاتیبی سید عباس موسوی آمریکالی صلاحیت‌لیلرین ایران‌داکی حادثه‌لرله علاقدار ادعالارینا رئاکسییا وئریب.

آمریکا دؤولت دپارتامنتینین مطبوعات کاتیبی مورگان اورتاگوسون ادعاسی ایله باغلی موسوی "اوجا ایران خالقی بو جور آچیقلامالارین هر هان‌سی بیر صمیمی حس احتیوا ائتمه‌یه‌ن ایکی اوزلو آچیقلامالار اولدوغونو چوخ یاخشی بیلیر. بو شخصه بنزر کسلرین دستکلدیی آنارشیستلر و ایغتیشاش‌چیلارین پیس حرکتلرینین حساس ایران خالقینین اکثریتینین داورانیشلارییلا هئچ بیر علاقه‌سی یوخ‌دور"، - دئیه قید ائدیب.

موسوی آمریکا حکومتینین، خصوصیله بو اؤلکه‌نین دؤولت کاتیبینین ایرانلا علاقدار مؤوقعییله باغلی "آمریکانین ایجرا ائتدیی اقتصادی تروریزمین تضییقی آلتین‌دا اولان خالقلا همری‌لیک ایچین‌ده اولدوغونو ادعا ائتمک ماراق‌لی‌دیر. بو شخص داها اول ایران خالقینین تسلیم اولماسی اوچون آج قویولمالی اولدوغونو آچیق-آشکار قید ائتمیشدی"، - دئیه علاوه ائدیب.