آنا صحیفه پلانت |
اویغور تورکلرینه قارشی آسسیمیلیاسییا حیاتا کئچیرهن چین حکومتینین گیزلی سندلری دئشیفره ائدیلیب.
آخار. آز خبر وئریر کی، بو بارهده تورکییهنین «یئنی شفق» نشری یازیب.
معلوماتا گؤره، سینتسزیان-اویغور موختار ویلایتیندهکی اویغور تورکلرینه قارشی چینین سرت سیاستینی ایفشا ائدن ۴۰۳ صحیفهلیک رسمی سندلر مطبوعاتدا ایشیقلاندیریلیب.
«نیو یورک تایمس»این یاییملادیغی سندلرده چین حاکمیتینین سینتسزیان-اویغور موختار ویلایتیندهکی تهلوکهسیزلیک قوهلرینه اهالی ایله نئجه رفتار ائتمهلرینه دایر گؤستریشلری عکس اولونوب. سندلرین ان آزی ۲۰۰ صحیفهسینده چین پرئزیدئنتی سی سزینپینین و دیگر چینلی رسمیلرین بؤلگهدهکی اویغور اهالییه نظارتله باغلی گؤستریشلرینه یئر وئریلیب، همچینین، ایسلام دینینین یاییلماسینین قارشیسینین آلینماسی اوچون تدبیر گؤرولمهسی بارهده خبردارلیق ائدیلیب.
سندلرده رسمی پئکینین ۱۱ سئنتیابر ۲۰۰۱-جی ایل حادثهلریندن سونرا واشینقتونون ایرلی سوردویو «تئررورلا موباریزه» سیاستینی عینیله کؤچوردویو ده موشاهیده اولونور.
«اصلا رحم ائتمیین»
دئشیفره اولونان سندلرده سی سزینپینین ۱۱ سئنتیابردان سونرا آبش-این «تئررورلا موباریزه» سیاستینی اؤرنک آلاراق، تهلوکهسیزلیک اورقانلارینا «اصلا رحم ائتمیین» گؤستریشی وئردیی قئید اولونور.
سندلرده خاریجده تحصیل آلیب قاییدان اویغور گنجلرین یاخیندان ایزلنیلمهسی و عائلهلرینین هارادا اولماسی ایله باغلی سواللارینا «چین دؤولتینین آچدیغی تدریس مکتبلرینه آپاریلیب. اونلار گوناهکار دئییل، لاکین رادیکاللیق ویروسونا قارشی موالیجه آلیرلار» جاوابینین وئریلمهسی امر ائدیلیب.
تاریخ
2019.11.18 / 14:43
|
مولف
Axar.az
|