مجلیسین بیر سیرا نماینده‌سی اؤلکه‌ده بنزینین و یاناجاغین قفیل‌دن باهالاشماسین‌دان سونرا پرزیدنت حسن روحانینین ایمپیچمنتی، ائلجه ده مجلیس رئیسی علی لاریجانینین ایشده‌ن چیخاریلماسی اوچون ایمضا توپلاماغا باشلاییبلار.

عینی زامان‌دا بوکان نماینده‌سی محمد قاسیم عثمانی بنزینین قیمتینین باهالاشماسی ایله باغلی تصدیقلنمیش لاییحه‌ده مجلیسین رول اویناماماسینا گؤره ایستعفاسینی مجلیسین ریاست هئیتینه تقدیم ائدیب.

مجلیسین ایجلاسین‌دا بیر نئچه سببه گؤره، او جمله‌دن، «مناقیشه‌لی چیخیشلار، مقاومت اقتصادی سیاستینی ایجرا ائتمه‌مه‌سی و اؤلکه‌نین مدیریتین‌ده باجاریق‌یزلیغی»نا گؤره پرزیدنت روحانینین ایمپیچمنت قانونون حاضیرلاندیغی حاق‌دا خبر یاییب.

معلوماتلارا گؤره، ۶۰-آ قدر میللت وکیلی ایندیدک حسن روحانینین ایمپیچمنت قانونو ایمضالاییبلار.

مهاباد نماینده‌سی جلال محمودزاده ایسه «الف» سایتینا بیلدیریب کی، روحانینین ایمپیچمنت قانونو اساساً آلتی محوردن عبارت‌دیر:

«مجلیسین دوننکی ایجلاسین‌دا ۲۸ نماینده طرفین‌دن ایمضالانیب. ایمپیچمنت اوچون ایمضالارین توپلانماسی داوام ائدیر».

خاتیرلاداق کی، مج‌لی‌سین داخی‌لی قای‌دا-قانونلارینا اساساً، پرئزیدئنتین ایمپیچمئنت قانونونون ریاست هئیتینه تقدیم اولونماسی اوچون مجلیس نماینده‌لرینین آزی اوچده بیرینین ایمضاسی لازیم‌دیر.