ایرانین پرزیدنت‌لیک ایستراتژی تدقیقات مرکزی ایران‌دان قونشو اؤلکه‌لره قاچاقمالچی‌لیق یولو ایله آپاریلان بنزینین ایللیک غیری-قانونی قازانجینی آچیقلاییب.

مؤوضوع حاقین‌دا بیر حسابات یاییملایان مرکز ایران‌دان تورکییه، تورکمنیستان، آذربایجان، پاکیستان، عراق، افغانیستان و ارمنیستان‌دان عبارت اولان قونشولارینا قاچاقمال‌چیلیق یولو ایله آپاریلان هر لیتر بنزینین نه قدر قانون‌سوز قازانج تعمین ائتدیینی آچیقلاییب. حسابات‌دا تورکییه‌یه بو قانون‌سوز یوللا آپاریلان بنزینین ۱۵۶۱ % (۱۵ قات) قازانج تعمین ائتدیی قید ائدیلیب.

تورکییه‌ده بنزین قیمتینین ۱.۲۳ دلار (تخمیناً ۲ مانات - رئد.) اولدوغونو آچیقلایان مرکز، بو فرقی ایران‌دا بنزینین لیترینین ۰،۸ دلار (۸ سنت، تخمیناً ۱۳ قپیک - رئد.) اولماسییلا مقاییسه ائد‌رک الده ائتدیی آیدین اولور.