خامنه‌ای ایران خالقینی قولدور آدلاندیردی،اصلین‌ده، رژیم اؤزونو قیمتلندیریب.

بو سؤزلری آمریکا خاریجی ایشلر ناظیرلیینین ایران اوزره نماینده‌سی براین هوک ایسلام رسپوبلیکاسی رژیمینین «کورروپسییا و اینسان حاقلارینین پوزولماسی»نا قارشی خالق اعتراضلارین‌دان دانیشارکه‌ن دئییب. او، بیر داها آمریکانین ایران خالقینی دستکلدیینی وورغولاییب.

«ایسلام رسپوبلیکاسینین، خصوصیله، سئپاه-این خالقا قارشی زوراکیلیغینی شدتله پیسلییریک. خامنه‌ای ایران خالقینی قولدور آدلاندیراراق، اصلین‌ده، اؤزونو قیمتلندیریب، رئژیمه اعتراض اولاراق سسلرینی اوجال‌دان جسارت‌لی ایران‌لیلاری یوخ. سپاه آچیقلاما یایاراق خالقین تهلوکسیزلیینی و آساییشینی پوزانلاری جزالاندیراجاغی ایله تهدید ائدیب. گولمه‌لی‌دیر کی، سپاه-دان چوخ هئچ کیم خالقین تهلوکسیزلیینی و آساییشینی پوزمور. آمریکا ایران خالقینین اساس حاقلارینی قازانماق اوچون سیلرینی، اونلارین «فسادچی دینی مافییا»یا قارشی مباریزه‌سینی دستکلییر».