یوخاری

ایرانین دونیانی سیلکه‌له‌یه‌جک پلانی اوزه چیخدی: محاربه‌یه آز قال‌دی

آنا صحیفه پلانت
12 Punto 14 Punto 16 Punto 18 Punto

ایران‌دا بنزینین باهالاشماسینا قارشی اعتراض آکسییالاری داوام ائدرکه‌ن آمریکا مدافعه ناظیرلیینین (پئنتاگون) مدافعه کشفیاتی آگئنت‌لیگی (سیا) ایلک دفعه ایرانین حربی گوجو ایله باغلی سند یاییملاییب.

آخار. آذ خبر وئریر کی، سندده آمریکا کیمی اینکیشاف ائتمیش غرب اؤلکه‌لرینی مغلوب ائده بیلمیجیینی بیله‌ن ایرانین اوچ اساس قابیلیتینه دقت گؤسترمه‌یه چالیشدیغی وورغولانیب: بؤلگه‌ده هدفلرینی وورا بیله‌جک باللیستیک راکتلر، بصره کؤرفزی و هرموز بوغازین‌دا دنیز نقلیاتینی تهدید ائد‌جک ساحل محافظه خیدمتی، اؤلکه خاریجین‌ده کونونسیونال اولمایان عملیاتلار آپارما قابیلیتینه صاحب اورتاق قوه‌لر.

سندده رسمی تهرانین راکت و پیلوت‌سوز اوچوش آپاراتلارینا بؤیوک میقداردا سرمایه یاتیردیغی، قورو قوه‌لرینی ایسه تعجیلی حرکته کئچمه توقایلارینا چئویره‌جک شکیل‌ده یئنی‌دن دیزاین ائتمه‌یه چالیشدیغی یئر آلیب. همچینین، هاوا و دنیز قوه‌لری ایله یاناشی، آرسئنالین‌داکی باللیستیک راکتلر و نووه پروگرامی دا آنالیز ائدیلیب.

اینقیلاب کئشیک‌چیلری کورپوسونون فعالیتینه یئر وئریله‌ن سندده، ایران میللی تهلوکه‌سیزلیک ایستراتئگییاسینین شیعه-روحانی رژیمینین داواملی‌لیغینی تعمین ائتمه‌یه، رژیمه قارشی داخیلی و خاریجی تهدیدلری دف ائتمه‌یه و بؤلگه‌ده آغیر قوه اولماق هدفلری اوزرین‌ده دایاندیقلارینا دقت چکیلیب: «ایران حربی دوکتریناسی تکنولوژی باخیم‌دان تکمیللشدیریلمیش غرب اوردولارینا قارشی مباریزه آپارماق، احتیمال ائدیله‌ن هجومو هومانیتار و مالییه ضررلرینی آغیرلاشدیراجاق فورمادا دفع ائتمک اوزرین‌ده قورولوب».

بیلدیریلیب کی، رسمی تهران هاوا هجومون‌دان مدافعه و رادار سیستملرینی معاصیرلش‌دیرمه‌یه داوام ائدیر. قیطعه لرآراسی بالستیک راکت پوتنسیالینی الده ائتمک اوچون چالیشیر. داها حساس، داها داغیدیجی تأثیره صاحب باللیستیک راکتلرینی یئرلشدیریر، راکت آرسنالینی گئنیشلندیریر و یئنی کشفیات راکتلرینی ایشه سالیر. ب ام ت-نین سانکسییالاری آرادان قالدیریلان کیمی ایسه قیریجی تییاره‌لر آلماغا باشلایاجاق. چونکی ایران یاخین ۱۰ ایلده بؤلگه‌ده گئنیش میقیاس‌لی حربی عملیاتلارا باشلاماغی پلانلاشدیریر.

قید ائدک کی، بنزر مزموندا سندلر روسییا و چین حربی قوه‌لری اوچون ده حاضیرلانیب.

تاریخ
2019.11.20 / 22:38
مولف
Axar.az
شرح لر
دیگر خبرلر

گوترش آذربایجانلی دیپلماتی یوکسک وظیفه‌یه تعیین ائتدی

پوتین بونو هئچ واخت باغیشلامایاجاق - زلنسکی

لاوروودان شوک: ناتو آرتیق ارمنیستانا گیریر

اوکراینا روسیا حربی طیاره‌سینی محو ائتدی - ویدئو

ایروان اویدورما بهانه‌لرله... - لاوروو

روسیا بونا گؤره جبهه‌ده‌کی اوستونلویو اله کئچیردی...

محمود عباس یئنی حکومتین ترکیبینی تصدیقله‌دی

"کروکوس" تراکتی: ترورچولار اوکراینادان مالیه‌لشیب؟!

پلشا اوکراینا ایله سرحدی آچیر؟ - توسک

سپارات‌چیلارین ایرواندا اوفیسی باغلانمالی‌دیر - چاخویان

خبر خطّی
Axar.az'da reklam Bağla
Reklam
Bize yazin Bağla