سون ایللر ایران‌دا اقتصادی سبب‌دن دفعه‌لرله قارشی‌دورمالار یارانیب، اینسانلار کوچه‌لره چیخیب. بو قارشی‌دورمالاردا گونئی آذربایجان ایشتیراک ائتمه‌ییب. اما سون حادثه‌لر زامانی گونئی آذربایجان شهرلرین‌ده ده اینسانلارین کوچه‌لره چیخماسینی مشاهده ائدیریک. هله‌لیک حاکمیتی دییشمک، اینقیلاب شعارلارینا راست گلینمیر. اینسانلار داها چوخ حاکمیتده اولان اقتدارین تنقید ائدیلمه‌سینه اوستونلوک وئریر، ایسلام رژیمینی قیمت آرتیمینا گؤره اتهام ائدیرلر. آکسییالارا دا ایلک اولاراق سوروجولر باشلاییب. اما گئتدیکجه شعارلار دییشیر، اقتداردان ناراضی‌لیق آرتیر.

بو فیکیرلری سون گونلر قونشو ایران‌دا مشاهیده ائدیلن اعتراض آکسییالارینی شرح ائد‌ن تانینمیش تورکولوق عالیم، سابیق تحصیل ناظری فیرودین جلیلوو تلگراف. کوم-آ دئییب.

او، علاوه ائدیب کی، آکسییانی داغیتماق ایسته‌یه‌ن پولیسله خالق آراسین‌دا توققوشمالار باش وئریب:

«اوسته‌لیک آکسییانی یاتیرماغا جهد زامانی هر ایکی طرف‌دن اؤلنلر وار. اینسانلار یاناجاق دولدورما منطقه‌لرینی، دؤولت و حکومت باشچیلارینین فوتولارینی یاندیریب، بانک و دیگر ایستروکتورلارا هجوم ائدیلیب. بو پروسس داوام ائدیر».

بونونلا بئله عالیم دئییب کی، آکسییالارین ایران‌دا حاکمیت دییشیکلیگی ایله باشا چاتاجاغینی دئمک دوغرو اولمازدی: «بو هله‌لیک گؤرونمور. نیه؟ چونکی اساس حرکت وئریجی قوه گونئی آذربایجان‌دیر. بورادا هم اینسان سایی چوخ‌دور، هم ده اینسانلار مباریزدیر. اوسته‌لیک ایران‌دا باش وئره‌ن بو حادثه‌لره سیاسی یؤن وئرمک ایسته‌یه‌ن خاریج‌ده‌کی چوخ‌لو قوروملار وار. مجاهیدلر، شاه طرفدارلاری پروسئ‌سه نظارت ائتمه‌یه چالیشیر، بونو اؤز آدلارینا چیخماق ایستییرلر. اما آذربایجان‌لیلارین میللی تشکیلاتی یوخدور کی، هامی اونون سؤزونه قولاق آسسین. اودور کی، من حادثه‌لرین رژیم دییشیکلیینه سبب اولاجاغینی دوشونموره‌م. اما سؤزسوز، ایستک اودور کی، بو آکسییالارین بیر خیری اولسون، اینسانلار ایستدیکلرینی آلسین، آذربایجان‌لیلارین حقوقلارینین تعمین ائدیلمه‌سینه دایر آددیملار اولسون. تأسفلر اولسون کی، حادثه‌لرین گئدیشی پروسئسلرین بو ایستیقامت‌ده یؤن آلاجاغینی دئمه‌یه اساس وئرمیر».