تهلوکه‌سیزلیک قوه‌لری چرشنبه آخشامین‌دان ایندیه‌دک شیرازین شهرکلرینده سون اعتراضلاردا ایشتیراک ائد‌ن یوزلرله قاشقای تورکونون ائوینه هوجوم ائدیب.

صدرا، گلستان، کشن، قصر قومشه، میانرود و دیگر شهرکلردن اولان اعتراضچیلار شدته معروض قالاراق حبس ائدیلیبلر. حاضردا ساخلانیلانلار حاقین‌دا هئچ بیر معلومات یوخ‌دور.

شیرازدا اینترنت هله ده کسیلیب و چتین‌لیکله علاقه قورماق مومکون‌دور.

اؤتن گوندن ایندیدک توتولان ۴ قاشقایی تورکو ایله باغلی مسئله‌نی آراشدیریریق و اونلارین حبس خبری تایید اولونوب.

حبس ائدیله‌نلر آراسین‌دا عمله طایفاسین‌دان اولان، زرگر وحید تورابی، کامبیز قارداشی، کشکولی طایفاسین‌دان اولان فرشاد میری و آدی دقیقلشمه‌یه‌ن قاراقانی آدلی ۴ قاشقای تورکو وار.