گونئی آذربایجانین اردبیل ایالتین‌ده ایرانلا آذربایجان رسپوبلیکاسی آراسین‌دا بیرگه صنایع شهرجیی یارادیلاجاق.

آخار. آذ خبر وئریر کی، بو باره‌ده اردبیل والی‌سی اکبر بهنامجو نویابرین ۲۱-ده یئرلی مسئوللارین ایشتیراکی ایله کئچیریله‌ن تدبیرده چیخیش ائدیب.

ایکی اؤلکه آراسین‌دا یارادیلاجاق صنایع شهرجیی باره‌ده گئنیش معلومات وئره‌ن والی بیلدیریب کی، صنایع شهرجیی سرحدیانی بؤلگه‌ده فعالیته باشلادیق‌دان سونرا بؤلگه‌ده نظرده توتولان سیاسی و اقتصادی اینکیشافا نایل اولماق مومکون اولاجاق.

«شوبهه‌سیز کی، بو ایشده خاریجی ایشلر ناظیرلیینین اوزرینه بؤیوک مسولیت دوشور. ناظیرلیین اردبیل‌ده‌کی نماینده‌لیگی ده سؤزوگئدن شهرجیک و آزاد تیجارت زوناسینین یارادیلماسی و فعالیتی اوچون معین آددیملار آتمالی‌دیر.»- دئیه او بیلدیریب.

والی بو گوندک اردبیل والی‌لیگی ایله خاریجی ایشلر ناظیرلیینین نماینده‌لیگی آراسین‌دا کووردیناسییالی شکیل‌ده امکداش‌لیق اولدوغونو وورغولایاراق گله‌جک‌ده ایکی اورگان آراسین‌دا امکداشلیغین داها دا گئنیشلندیریلمه‌سینه اومید ائتدیینی بیلدیریب.