ایران سورییا و عراق سرحدین‌ده حربی مقصدلری اوچون تونل تیکیر.

بو باره‌ده «فوکس نیوس» یئنی پئیک گؤرونتولرینه و غرب اطلاعات منبع‌لرینه اساس‌لاناراق معلومات یاییب.

معلوماتا گؤره، ایران بو تونلی آغیر تجهیزات ساخلاماق اوچون تیکیر. «فوکس نیوس»اون یازدیغینا گؤره، بو گؤرونتولر آدیچکیله‌ن اطلاعات منبعلری طرفین‌دن یوخلانیلیب و تصدیقلنیب.

بو تونللرین سورییانین عراقلا شرق سرحدین‌ده‌کی «امام علی» حربی بازاسین‌دا تیکیلدیینی بیلدیریلیب.

بو ایلین اوکتیابرین‌دا چکیله‌ن پئیک گؤرونتوسون‌ده تونئلین تیکینتی مرحله‌لری مشاهیده اولونور. ایکی هفته سونرا چکیله‌ن ایکینجی گؤرونتوده تونئلین گیریشی کناردان اؤرتولوب، آنجاق قازینتی ایشلری داوام ائدیب. بیر نئچه منبع‌دن وئریله‌ن معلوماتلارین قیمتلندیریلمه‌سی تونئلین تیکینتینین سون مرحله‌سین‌ده اولدوغونو و یاخین واخت‌دا ایستیفاده‌یه وئریلجیینی گؤستریر.

قید ائدک کی، بو ایلین مایین‌دا «فوکس نیوس»اون باشقا بیر مقاله‌سین‌ده ایرانین عراق و سورییا آراسین‌دا بیر مرز گزرگاهی تیکدیینی بیلدیرمیشدی. بو کئچیدی تیکمکده مقصدین ایران قوه‌لرینین و سلاحلارینین آسان گؤندریلمه‌سی اولدوغو دئییلمیشدی.

آمریکانین «نیویورک تایمس» قزئتی ده کئچه‌ن هفته‌کی رئپورتاژیندا یازیب کی، ایران گیزلی شکیل‌ده یوزلرله قیساهدف‌لی راکئتی عراقا کئچیریر. بو راکت سلاح آرسئنالین‌دان ایسرایلی، عربیستانی و یا آمریکانین بؤلگه‌ده‌کی قوه‌لرینی هدف آلماق اوچون ایستیفاده ائدیله بیلر.