آنا صحیفه پلانت |
تورکییهنین الازیغ و مالاتیا شهرینده باش وئرهن گوجلو زلزله نتیجهسینده اؤلنلرین سایی ۱۹-آ چاتیب.
آخار. آذ خبر وئریر کی، بو بارهده تورکییهنین صحیه ناظرلیگی معلومات یاییب.
معلوماتا گؤره، زلزله نتیجهسینده ۷۷۲ (مالاتیا - ۲۲۱، الازیغ - ۵۵۱) نفر خسارت آلیب.
تورکییهنین فؤقلاده حاللارین ایداره اولونماسی آگنتلیینین (آفاد) معلوماتینا گؤره، فلاکت بؤلگهسینده تورکییهنین ۲۸ ایالتیندن ۴۹۳ خیلاص ائدیجی قروپ جلب ائدیلیب.
زلزله بؤلگهسینه ۱.۶۸۹ چادیر، ۱.۶۵۶ چارپایی و ۹.۲۰۰ ادیال چاتدیریلیب. موبایل اوپراتورلار الازیغ و مالاتیادا پولسوز فعالیت گؤستریر.
قید ائدک کی، اؤتن گون تورکییهنین الازیغ ویلایتینین سیوریجه ایلچهسینده یئرلی واختلا ۲۰:۵۵-ده ۶،۸ بال گوجونده زلزله باش وئریب.
داها سونرا الازیغدا ۵،۴ بال گوجونده داها بیر زلزله، بونون آردینجا ایسه باکی واختی ایله ۲۲:۰۸-ده ۵،۴، ۲۲:۱۷-ده ایسه ۵،۱ بال گوجونده داها ایکی زلزله قیده آلینیب.
زلزله تورکییهنین بیر چوخ شهرلرینده و عراقین شیمالیندا دا حس ائدیلیب.
تاریخ
2020.01.25 / 10:08
|
مولف
Axar.az
|