بو گون سحر ساعتلارین‌دان اوکراینانین دونباس بؤلگه‌سین‌ده اوردو ایله سپارات‌چی سلاح‌لیلار آراسین‌دا آغیر دؤیوشلر باشلاییب.

رئپورت خبر وئریر کی، بونو فئیسبوک صحیفه‌سین‌ده اوکراینالی ژورنالیست یوری بوتوسوو یازیب.

اونون سؤزلرینه گؤره، اوکراینا طرفی ایتکیلر وئریب.

ژورنالیست بیلدیریب کی، یئرلی واختلا سحر ساعت ۰۵:۰۰-دا (باکی واختیله ۰۷:۰۰) دونباس بؤلگه‌سینده سلاح‌لیلار اوکراینا عسگرلرینین دایاندیغی پوستلارا هجوم ائدیبلر. نتیجه‌ده آغیر دؤیوشلر باشلاییب. اونون سؤزلرینه گؤره، سپارات‌چیلار ۱۵۲ م.م چاپلی کالیبر آرتیلرییا و ۱۲۰ م.م چاپلی مینومیوت داخیل اولماقلا بوتون نؤع سلاحلاردان ایستیفاده ائدیرلر. بو، ۲۰۱۸-جی ایلده‌ن بری ایلک گئنیش‌میقیاس‌لی دؤیوشلردیر.

اوکراینا مدافعه ناظرلیگی حاضردا بؤلگه‌ده دؤیوشلرین گئتدیینی و ایتکیلرین اولدوغونو تصدیقله‌ییب.

خاطیرلاداق کی، اوکراینانین دونباس بؤلگه‌سین‌ده حربی عملیاتلار ۲۰۱۴-جو ایلین آپرل آیین‌دا باشلاییب. نتیجه‌ده دونتسک و لوگانسک رگیونلاری سپارات‌چیلارین نظارتینه کئچیب. دؤیوشلر اوکراینانین سلاح‌لی قوه‌لری و قوندارما دونتسک و لوگانسک رسپوبلیکالارینین سلاحلیلاری آراسین‌دا گئدیر. اوکراینا طرفی دفعه‌لرله بیان ائدیب کی، سپارات‌چیلارین سیراسین‌دا روسییا حربچیلری ده وار. روسییا بو اتهامی رد ائدیر.