آنا صحیفه پلانت |
ارمنیستان کوروناویروس پاندمییاسینا گؤره روسییا و دیگر دؤولتلرین کمکینه محتاجدیر. لاکین بوتون اؤلکهلر بو ویروسدان اذیت چکیر و هئچ کیمی ارمنیستان ماراقلاندیرمیر.
بو سؤزلری آخار. آذ-آ آچیقلاماسیندا پولیتولوق قابیل حسینلی کوروناویروس پاندمییاسی ایله روسییانین بوتون اؤلکهلرله علاقهلری کسمهسی و حاضردا گورجوستان اوزریندن یوک داشیمالاریندا جدی پروبلمین یاشانماسینی شرح ائدرکهن دئییب.
بونا باخمایاراق، پولیتولوق کوروناویروس سببیندن روسییانین ارمنیستانداکی حربی بازاسینی بوشالداجاغینی دوشونمور:
«روسییانین ارمنیستانداکی حربی بازاسی موسکوانین رگیوندا تأثیر گوجو باخیمیندان اهمیتلیدیر. بو معنادا روسییانین حربچیلرینی ارمنیستاندان چیخارماسی رئال گؤرونمور. دیگر طرفدن، بو گون روسییا ایستهسه ده، اؤز حربچیلرینی ارمنیستاندان چیخارا بیلمز. کوروناویروس پاندمییاسی ارمنیستاندا سرعتله یاییلماقدادیر. بو اؤلکهده کوروناویروسا یولوخما حاللارینین تصدیقلنمیش عمومی سایی ۴۲۴-دور. ارمنیستانین ضعیف صحییه سیستئمی بو ویروسون قارشیسینین آلینماسیندا آجیزدیر. حتی ویروسون ارمنیستاندا یئرلشن روس حربی بازاسینا دا سیچرادیغی ایله باغلی خبرلر مؤوجوددور. بو معنادا روس حربچیلرینین اؤلکهیه قایتاریلماسی ویروسون روسییادا سرعتله یاییلماسی ایله نتیجهلنه بیلر».
پولیتولوق قید ائدیب کی، ارمنیستان هم موجود کوروناویروس پاندمییاسی ایله علاقدار، هم ده اؤلکهده یئرلشهن روس حربی بازاسیندا یولوخما حاللارینین قارشیسینی آلماق اوچون مسکوادان یاردیم طلب ائدیر:
«لاکین بو گون مؤوجود وضعیت بیر چوخ دؤولتی اؤز ایچینه قاپانماغا مجبور ائدیر. روسییا اؤز اؤلکهسیندهکی وضعیتی دوشونمهیه مجبوردور. بو باخیمدان دئیه بیلرهم کی، موسکوانی حاضردا نه ارمنیستان، نه ده اوراداکی حربی بازاسی دوشوندورور. کرئمل اوچون بو گون اساس پریوریتت روسییادا کوروناویروس پاندمییاسینین قارشیسینی آلماقدیر».
تاریخ
2020.03.30 / 10:17
|
مولف
Axar.az
|