خبر وئردییمیز کیمی، آمریکانین میاپولیس ایشتاتین‌دا آفروآمریکالی جورج فلویدون پلیس طرفین‌دن اؤلدورولمه‌سین‌دن سونرا اؤلکه‌ده گوجلو اعتراضلار باشلانیب و آردینجا قارشی‌دورمایا چئوریلیب.

آخار. آذ خبر وئریر کی، بو حادثه‌لرین فونوندا آمریکا پرزیدنتی دونالد ترامپ و پرزیدنت‌لییه نامیزد جو بایدن اؤلدوروله‌ن جورج فلویدون قارداشی فیلونیس فلویدلا تلفن صحبتی آپاریب.

فلوید آچیقلاماسین‌دا بیلدیریب کی، ترامپ صحبت زامانی دانیشماغا اونا اجازه وئرمه‌ییب، تئز-تئز سؤزونو کسیب:

«منه دانیشماق اوچون فورصت بئله وئرمدی. اولدوقجا چتین ایدی. اونونلا دانیشماغا چالیشیردیم، لاکین درحال سؤزومو کسیردی».

فلوید جو بایدنله صحبتین‌ده ایسه اونا یالواردیغینی بیلدیریب:

«بایدن‌دن عدالت ایستدیم. داها اول هئچ کیمه یالوارمامیشدیم، اما اونا یالواردیم. قارداشیم اوچون عدالت ایستدیم».